Williamnagar, June 25: West Garo Hills-ni Raksamgre Sub-Divisionni ning·o donggipa Rengigre songoni sianggipa Pirot R Marak-ni manggisiko June 12 tariko bilpile uni siani bidingo sandianirangko dake niani ja·mano sakbri manderangko rim·aha.
Sianggipani bilpilani ja·mano ua biapon Sub-Divisional Medical and Health Officer (Grade I) Dr. Silang Lama Rongrokgre postmortem-ko ka·aha. Uandake ua reportko West Garo Hills Superintendent of Police, Abraham T. Sangma-na on·aha. Sandie nianirango man·ani gitade, Pirot R. Marak gitoko sikgekani a·sel siaha, aro uni ribitchirang ronggnian namen binekaha, aro uandaken uko so·otaha ine u·ina man·aha.
June 24 tarikni pringo sakbru manderangko uamangni songoniko rim·aha ine SP Abraham T. Sangma parakataha. Tikrikilla Police Station-ona re·ange nion, rim·ako man·gipa manderang sianggipa Pirotni jikgipa Nennen R. Marak, Nennen-ni jonggipa Sengba R. Marak, Nennen-ni adatang Lepson R. Marak aro Nennen sel·enggipa me·asa Reknang K. Sangma ong·a ine Officer-in-Charge Rozarius G. Momin parakataha.
Matnangako man·gipa sakbri manderangkon June 24 tariko salni bako kachario mikkang pa·ataha aro uno uamangko salgittamna policerangni jako donna hukumko on·aha. Da·o dipet uamangko sing·doanirangko dakkujaenga ine policerang aganaha.
Raksam Maharini manderang baksa Hub News agangrikengon, Pirotni ma·detang Premi R. Marak indake aganaha “Postmortem-o so·ota ine parakatahani gimin, chinga uko nokon so·otaha ine bebera·aha. Uni manggisiko Tura, Williamnagar, ba Raksamgre-o man·eja, uni noktangon nikea. Uni gimin uni jikgipa aro nokni manderangan iano jak donga, ong·jaode uamang so·oitgiparangko u·ia.”
Una agreba, uamang uamangni sianggimin depante aro Mahari-na kakket bichalko ra·bana nanga ine dabiaha aro police department-o kadonganiko parakatenba, mikkangchi darangba iandakgipa kamrangko ka·na pa·jachina ia case-an mesoke on·na nanga ine ua aganaha.
Na·simang ia video-koba nina man·gen:
Na·simang iakoba poraina man·gen: Opposition-oni jegalako man·engoba KHADC lak 5.24 tangkako budget-o on·dapa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
