Guwahati, Dec 21: Robibar salo, Prime Minister Narendra Modi Guwahati-ni Boragaon-o gitalgipa Swahid Smarak Kshetra-ona re•ange Assam Agitation-o sianggipa sak 855 matgrikrangko mande ra•aniko dakangaha. Uni a•dokna sokbaaniara 2026 Assembly Election-na skang rs•baani ong•a, aro ian namen gamchatgipa ong•a maina Assam-ni bilsi dok ong•gipa Assam Movement-ni mongsonggipa miksonganirangoni mingsara a•song gipinoni re•bae niam gri songdonggiparangko champengna ine ong•na jenan da•o BJP rake kam ka•enga.
Prime Minister Swahid Pranam Jyoti-o pulrangko doneaha aro Swahid Gallery-o re•rame roaha.
“Swahid Gallery-o re•e Assam Movement-o sianggipa Bir Swahid-rangni janggitangtangko on•chakaniko gisik ra•atpile namen ka•tongo nangchakeaha. Assam Movement-o janggitangko on•chakanirangara Assam-ni ong•baani aro manderangni gisik ra•baanio namen gamchatgipa bak ong•a. Chinga Assam-ni namroro-silroroanina, aro a•dokni dakbewalrango rasong chaanina dondikgija kam ka•na on•kange ra•enga,” ine Prime Minister parakataha.
Swahid Smarak Kshetra-ko ia ja-o adita salrangna skang Assam-ni Skotong Minister Himanta Biswa Sarma oprake on•aha, jekon a•a bigha 116-o kror 178 tangkarangchi rikaha. Ia dal•begipa gisik ra•ani biapo 225 foot ong•gipa dal•begipa krong, ge 860 bimangrang, meditation hall, auditorium, food court, laser show arena, cycle track aro horticulture garden-ko tariaha. Iako 1979-1985 bilsirango sianggiparangko mande ra•na ine tariaha, jeni ja•manan Assam Accord-ko soi ka•aniona sokaha.
Ia biapko tarina December 10, 2019-o gitcham Skotong Minister Sarbananda Sonowal-ni jakchi pangchakani ro•ongko songaha. Ian Guwahati-ni a•palo Saliramchipak, West Boragaon-ni sepango ong•a.
PM Modi-ni re•baaniara namen bilakgipa ja•kuko de•aniko mesoka maina BJP sorkari ru•uta salrangoni gipin a•songoni re•bagipa manderangni niam gri songdongaoniko Assam-ko naljoke rakkina kam ka•enga.
All Assam Students’ Union-ni (AASU) dakdilgipa Assam Agitation a•dokoniko gipin a•songoni re•bae niam gri songdonggipa manderangko sandina aro watatpilna ine dabianirangko dakaha.
Assembly election-rangna da•o bilsisaba ong•jaha aro da•o a•doko mingsa mongsongbatgipa kamko jako ra•anichi BJP-ni manderangna kam ka•anirangko mesokenga.
Matgrikrangko mande ra•na ia gitalgipa biapko rikanichi 2026-ni election-na skang BJP-ni on•kange kam ka•anichi Assam-o vote puongiparangna dingtangmancha agan-parakaniko dakani ong•a.
Na·simang iakoba nina man·gen:
Na·simang iakoba poraina man·gen: W’nagar SP office sambao ‘Neng·takram’ biap aro Krismas light-rangko taria
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
