Tura, March 30: India a·song ka·sin ka·sin Piped Natural Gas (PNG)-ko jakkalna a·bachengengaha, jean rongtalbatgipa aro LPG-na bate jakkalna altubatgipa ong·a. Dal·dalgipa songjinmarang jekai Delhi aro Mumbai-rangode PNG-ko jakkaltokengaha.  Indake da·o manderang iako Meghalaya a·dokoba jakkalani bidingo chanchiengaha.

PNG-ara jakkaltobegipa ong·a maina ian pangkamgipa gas-ko on·an baksana cylinder nanganiko ra·gala aro ian samtangtango donggiparangnaba nambatgipa ong·a. Iani gisepon, Meghalaya a·doko a·bri a·kongarigipa biap ong·ani gimin, nokrang chel·grika baksana rika cho·anirang chu·onga gita dongjani gimin PNG-ko dona neng·nikani ong·naba donga.

Uasan ong·aigija, Meghalaya a·dok banggrironggipa biap ong·ani gimin naljokanina kenchakaniba dongskaa. Pipeline ba  siltongrangko naljoke tarina man·genchimoba, chona maiba nosto ong·genchimode ian namen kenbegnigipa ong·skanaba donga. PNG-ko tariani aro jakkalani damrangko mitam manderangde rakdugae nikskanaba gnang.

Dal·dalgipa karkanarang jekai Indraprastha Gas Limited, Mahanagar Gas Limited, Adani Total Gas Limited, Gujarat Gas Limited aro GAIL Gas Limited-o PNG-ko chu·sokbeen songjinmarango jakkalengaha aro Assam-ode karkanarang jekai Assam Gas Company aro Adani City Gas, PNG jakkalaniko bariatengaha.

PNG, Meghalaya a·dokna dakchakaniko on·aba donga indiba ian name chanchichengesa aro naljokaniko nichengesa ka·sine ra·bana nanggipa ong·enga.

Na·simang iakoba nina man·gen:

Na·simang iakoba poraina man·gen: Arunachal-ni Deomali Division-oniko Himalayan black bear ba makbil gisim bi·sako naljokata

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub