Guwahati, June 25: Watla ki katto katne ki bynta jong ka Arunachal Pradesh kila iakhun ia ka jingshlei um bad ia ka jingtwa khyndew, ka India Meteorological Department (IMD) ha ka sngi Palei kala pynmih ia ka jingmaham kaba thymmai ba kan don ka jingther u lapbah ha kylleng ki bynta jong ka thain Shatei Lam Mihngi ha ka taiew kaban wan, kaba pynsyier ba ka lah ban jur shuh shuh ka jingshlei um bad ka jingshah pynthud ka leit ka wan ha ka thaiñ.
Katkum ka jingpyntip ka IMD, kala ong ba kan don ka jingslap jur ha kylleng ki jaka jong ka jylla Arunachal Pradesh, Assam, Meghalaya, Nagaland, Manipur, Mizoram bad Tripura haduh ka 1 tarik u Naitung. Kala maham ba kan don ka jingther u lapbah ha ka jylla Assam bad Meghalaya ha ka 28 tarik u Jylliew, ka lah ruh ban don ka jingjur slap ha Arunachal Pradesh naduh ka 27 haduh ka 29 tarik u Jylliew.
Kane ka jingmaham kala wan ha ka por ba bun tylli ki jaka jong ka thain shatei lammihngi kidei kiba la shah ktah na ka jingther jong u lapbah lapsan. Kala don ka jingkiew bad jingshlei um kynsan ha Keyi Panyor District jong ka Arunachal Pradesh kaba la lam sha ka jingmynsaw, katba ka jingtwa khyndew bad ka jingsahkut jong ki surok kala pynthud ia ka leit ka wan ha kiba bun tylli ki jaka.
Ka IMD kala maham ba ka jingiai bteng ban slap jur ka lah ban lam sha ka jingshlei um ha ki katto katne ki shnong ki thaw, ka jingsahkut jong ka um ha ki jaka sor, ka jingtwa ka khyndew, ka jinglang ktieh bad ka jingthud ha ka leit ka wan bad ki lad pyniasoh. Kala maham ruh ba ka lah ban don ka jingjulor jong ki jingthung jingtep bad ki jingtei ki bym skhem.
Na ka bynta kiba im da ka rep ka riang, kane ka tnad sorkar kala ai katto katne ki jingbthah. Ki nongrep ha Assam kila shah bthah ba kidei ban pynthikna ba ki nala kidei ban long kiba biang khnang ba ka um kan ioh ban tuid suk haba ka iaid lynti na ki jaka rep, katba ia kito kiba ha ka jylla Meghalaya la bthah ba kidei ban pynkhlain ia jinglong jingman jong ki nala ha ka jaka rep kba, riewhadem bad ka jaka rep ia ka kait bad ban iada ia ki symbai na ka jingther u lapbah lapsan.
Katba na ka bynta kiba ri ia ki jingri, la kyntu ba kidei ban buh ia ki mrad ha ki sem, ban buh lypa ia ki jingbam jong ki mrad bad ruh ban shim ia ki lad ban pynthikna ba ki dohkha kiba ki ri ha ki pung kin ym lait haba ka don ka jingshlei um ha ka pung.
Pule ruh : Manipur | Shimti ka NIA ban tohkit ia jingshah pyniap ki 3 ngut ki Nongialam Balang
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
