Boko, April 4: Rabha National Council (RNC), Bhartiya Janata Party (BJP)-na chakpaaniko ra·galenba, Assam Assembly election-o Boko-Chaygaon seat-na susaenggipa Congress-ni candidate Ramen Singh Rabha-na chakpaaniko on·gen ine parakataha.
Press conference-ko ong·atanio, Rabha Joutho Mancha-ni dilgiparang BJP-ni candidate Raju Mech baksa chakpaaniko on·genchimoba, dilgiparang jekai Govinda Rabha, Aditya Rabha, Arun Diya, Manoj Rabha aro Pradip Rabha-ko man·chape gipin dilgiparangde Ramen Singh Rabha-nan chakpaaniko on·enga ine u·iataha.
Raju Mech-ara Rabha jatrang baksa sepanggipa bak nangpagipa ong·ja ine RNC u·iatengon, batanggimin somoio uamangni jolo donggipa biaprangna nangchakegipa uni mitam kamrangko ua jegalataha.
Ramen Singh Rabha, neng·nikanirang jekai Kulshi dam, a·ani bilrang aro jolni namroro silroroanina jegalaniko dakanio gisiko nangbee dakdilangaha inenba uamang una chakpaaniko on·china u·iataha.
Re·baenggipa April jani 9 tariko election ong·na skang ia ja·ku de·anikoara, BJP aro uming bakrimpagipa dolrangna dal·bea gimaani gita nikenga.
Na·simang iakoba nina man·gen:
Na·simang iakoba poraina man·gen: BTR CEM-ni jikgipa, nokrangchi re·e campaign ka·angskaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
