Shillong, Jun 12: Madhya Pradesh a•dokni Indore songjinmao bading chiwalani kamrangko ka•gipa Raja Raghuvanshi-ko so•otanio ua an•tangba jak donga ine Raja-ni jikgipa Sonam, police-rangna ku•rachakaha indiba Raja-ko so•otna chanchidilchenggipade uni ‘mikchagipa’ Raj Kushwahasa ong•a ine parakaha.
Raja Raghuvanshi-ko so•otanina uni jikgipa Sonam aro uni mikchagipa Raj Kushwaha baksana gipin sakgittam manderang, chong•motan Akash Rajput, Vishal Singh Chauhan aro Anand Kurmi-ko Budbar attamo salchetna kachari, police-rangni ning•o donatani ja•man ia manderangko police-rang sing•sandina a•bachengataha.
Ia manderangko sing•sandiani bidingo kobor ra•timgiparangna talate on•angengon, Raja-ko so•otanio Raj Kushwaha-sa chanchidilchenggipa ine Sonam a•kangengon, uaba Sonam-kosa dakdilgipa ine matnangskaengani gimin iako police-rang name ma•sie ra•chengna nangenga ine Bristibar salo, Eastern Range-ni DIG Davis NR Marak parakataha.
Marak-ni aganani gitade, Sonam aro Raj-ni gisepo mikchagrika dongani gimin Raja Raghuvanshi-ko so•otanio uamang sakgnikon police-rang, mongsonggipa dosirang ine chanchichipkuenga.
Raja-ko so•otna tik ka•gipa manderangna Sonam lak 20 tangkarangko on•na ku•rachakachimma ine sing•on, iani bidingo da•osa police-rang sing•sandiengkuani gimin tale aganna man•kujawa ine Marak parakataha.
Sonam-ko sing•sandion, ua Raja-ko uamangni so•otgipa attechi doka inakode ua jegalaha aro matnanga man•enggipa gipin sakgittam manderangni ku•rachakanio pangchake, re•anggipa May jani 23 tariko uamangsa Raja-ko Wei Sawdong-o so•otaha gita nikna man•enga ine DIG aganaha.
Wei Sawdong-o donggipa a•silangchina Raja-ni manggisiko galatanio Sonam-ba uni tik ka•gipa manderangna dakchake on•aha ineba Marak aganaha.
Sing•sandianirang matchotahaon, matnanga man•gipa manderangko Sohra-ona rimangpilenba, ua salo ong•a obostako mesokchina agangen ineba ua parakataha.
Raja-ko so•otna skang ia manderang, Weisawdong-ni gimin name ma•sie ra•chengahama ine sing•anina aganchakaniko on•angskaengon, da•o dipet ia manderang iakode jegalenga indiba ian ong•na man•aiani gimin police-rang talbate sing•sandiangkugen ine Marak parakataha.
Ia manderangko sing•sandianio police-rang, tol•ako ma•sigipa ostroko jakkalna kachario bi•genma ine sing•skaon, ia manderang an•tangtangni kamko ku•rachakengon uarang kakket ong•ama ong•ja uko police-rang name nipilnade nangtelaia aro iana police-rang, uamangni agangipa biaprang ba kamrangara ong•ama ong•ja uko biapona re•kamen am•sandianggen ine DIG aganaha.
Dakchakanirangko nanggenchimode uamang, Guwahati aro gipin a•dokrango donggipa police-rangni dakchakanirangkoba ra•aigen ineba Marak aganaha.
Raja-ko so•otanio jak donggipa pilak manderangkon da•o dipet police-rang rim•na man•aha indiba ia a•selo gipinrangba jak donga ine ja•mano ma•sigenchimode gipinrangkoba rim•angkuaigen ine Marak parakataha.
Marak-ni aganani gitade, police-rangni am•sandianio, ia manderang Shillong-oniko bolgittam scooty-ko para ra•baaha ine ma•sina man•aha aro Sonam aro Raja-ni jakkalgipa scooty-kode Sohra Rim-o donaha.
Raja-ko so•otgipa manderangni jakkalgipa gipin scooty bolgnini bidingo ma•sina gita police-rang sing•sandienga ineba ua aganaha.
Na·simang ia video-koba nina man·gen:
Na·simang iakoba poraina man·gen: Classical Dancer Dr. Sonal Mansingh-na Srimanta Shankardev Award 2023-ko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
