Resubelpara, July 23: Garo Hills-o American Baptist missionari-rang bilsi 1860 ba70 jolrango skanggipa changna re·bae, bilsi 1867-o Garo Baptist giljako Rajasimla songo rikchengachim, ia indakgipa songo mingsa knaronggijagipa obosta ong·aha, chong·motan, bilsi 6 ong·gipa me·chik bi·sa saksa re·anggipa Sukrobar salo gimaaha. Rajasimla songni manderang, aro police dolrang Rajasimla aro Rangsa-ni diltugipa burungrangoniko sandigenchimoba, da·ona kingking gimagipa bi·sani gimin mamungkoba man·kujaenga.
State Commission for Protection of Child’s Rights-ni Chairperson Agatha Sangma July 21 tarikni walo ia obostani gimin koborko man·aha. Uandake, July 22 pringoni dingtang dingtang departmentrang jekai dog squad, fire and services aro CDPO bakrime, nambate sandianirangko dakangaha.
July 23 tariko, SCPCR-ni Chairperson Agatha Sangma an·tangan Rajasimla-on re·ange ia obostako nirokeaha. Ua district authority-rang baksa agangrike, gimaenggipa bi·sako sandienggiparangoniko kobor ra·aha. Uandake ua gimaenggipa me·chikni bi·sani nokona re·ange nokdangni manderangko grongeaha aro uko man·pilna, pilakni gitan krenge kamrangko ka·enga aro dakchakaniko on·enga ine aganeaha.
Uandake Agatha Sangma, police dol aro songni manderangko ia gimaenggipa bi·sako sandianio rakbee kam ka·enganinaba mitelaha.
Na·simang iakoba nina man·gen:
Na·simang iakoba poraina man·gen: Raja Raghuvanshi-ko so•otanio matnanga man•gipa manderangna jamin on•anina Raja-ni adagipa matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
