Ampati, May 14: Bristibar salo, South West Garo Hills-ni Jewilgre songo Rerapara Samagra Shiksha-ni Block Resource Centre-ko Rangsakona Constituency-ni MLA aro Khadi & Village Industries Board-ni Chairman Subir M. Marak, West aro South West Garo Hills-ni School Education & Literacy-ni Joint Director R. T. K. Sangma, District School Education Officer (DSEO) A. K. Sheikh, SEO Taposh Ch. Marak, SDSEO Emphul Ch. Marak, Block Mission Coordinator (BMC), Shri.Haskell N. Sangma, songni Nokma Harrison R Sangma, gipin Nokma-rang, skigiparang, jolni dilgiparang aro gipin manderangni dongpaanio nokdonggae on·angaha.
Ia tom·anio Subir M. Marak jilmana aganengon, ia gitalgipa centre-ara lekka pora skie ra·ani bidingo bak nanggiparangko a·jao donggipa manderangona sepangbatatna dakchakgen ine u·iatangaha.
Ua sorkarini skulrangko mangrakbatatna nangani bidingo aganan baksana sorkarini skulrango an·tangtangni bi·sarangko napatchinaba ua ma·a parangko didiataha.
West aro South West Garo Hills-ni School Education & Literacy-ni Joint Director R. T. K. Sangma, ia gitalgipa centre-ko kulianichi Administration-ko manderangona sepangbatatgen ine agane, ia centre-ko chalaianio ku·mong meli nangrimpaaniko on·china ua manderango didiataha.
Jolni nokma aro a·ako ka·sae on·gipa Harrison R. Sangma, ia a·ako ua ku·si ong·bee sepangjolo donggipa manderangna bang·a namgnirangko ra·bagen ine ka·donge on·aha ine parakataha.
Na·simang iakoba nina man·gen:
Na·simang iakoba poraina man·gen: Khliehriat-ni mande EJH-o scientific bewalo koelako bikotna okumu chake dabianiko dontongatna draatako man∙a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
