Tura, Dec 11: Resubelpara Mini Stadium-o ong·atanggipa 2025 bilsini A·we Festival Budbar salo name matchotangaha jeon sak hajalni hajal manderang re·bae bak ra·angtokaha.
Ia manianiko jatni kal·susaanirang jekai me·asarangna Wa·pong sikani aro An·dong Okani iarangko ong·atangaha jean bang·a manderangko salbana dakchakaha. Una agreba, ia kal·susaanio Resubelpara aro Mendipathar dolni gisepo an·saobegipa budu salgrikanirangkoba ong·atangaha.
The Voices of A·we ine git ring·susaaniko ong·atgipa gital git ring·na gisiko nanggiparangna an·tangtangni changa sapaniko mesokna cholko on·angaha. Master Chef North Garo Hills contest, ia manianio niksengbataniko ra·baaha jeon A·chikrangni cha·rongbewal bijakrangko song·susaanio bak ra·giparang Brenga, Kapa aro We·tepa-rangko song·a chananirangko dakangaha. Nambatgipa bijakrangko uni cha·toani aro nitoanio pangchake baseaniko dakangaha.
Ia manianio attamni ring·salrako AHOWEE dolni gisik an·saoatgipa A·chik ma·gitcham pagitchamrangni git ring·anichi a·bachengataha. Uni jamano NORTHWIND dolni an·saobegipa gitrangko ring·ani gisepon, NOKPANTE uamangni mingsingbegipa gitrangko ring·angskaaha. Ia git ring·salrako ong·atanio mingsingbegipa A·chik Band ba git ring·anina mingsing minggamako man·gipa dol RIPRAP uamangni mingsinggipa gitrangko ring·e darangkon an·saobatataha. Shillong-ni git ringna sapbegipa Jesicca Lyngdoh-ni ka·srokbegipa gitrang ring·anichi ia ring·salrako matchotataha.
Na·simang iakoba nina man·gen:
Na·simang iakoba poraina man·gen: Brahmaputra chibimao sak bonga manderang gimaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
