Boko, Sept 24: Artist saksa aro BJP dolna bimchipe kamko ka·gipa Riya Sangma, git ring·anina mingsing minggamako man·gipa Zubeen Garg sagiko maikai ua uni janggi tanganio didianiko ra·baahachim gisik ra·e mande ra·aniko dakangaha. Batanggimin 2005 bilsio Zubeen Da baksa Guwahati-o ming 3 A·chik gitrang chipaniko gisik ra·atpiltaianiko dakangaha, jean bang·a manderangona A·chik gitrangko giproroatan baksana uni janggi tangani cholrangko nambatatna dakchakaha.
Zubeen Garg saksa an·tangko onatgipa, A·chik-rangni doka damani aro gitrango namen rasong chabegipa ong·an baksana A·chik-rangni gitni gamchataniko una u·iatna dakchakgipa ong·a ine Riya aganangaha. Ia gitrangko ring·ani bilsi 20 ong·na am·pilgenchimoba, ia gitrang una gamchatbegipa ong·a ine aganengon, ian Zubeen-ni gisik nangbeani, ka·sachakgipa ong·ani aro baikamgipa gisiko nangdikeaniko on·aniko mesoka ine ua janapataha.
Studio-o Zubeen baksa chadengna man·paanian uni gamchatbegipa gam ong·a ine ua gisik ra·atpilaianiko dakengon, Zubeen sagini gitrang didianiko da·onaba on·kuenganiara, janggi tanganio chu·sokgipa aro songsalna dangdikaniko on·gipa manderang uamangni ra·dogipa jat aro janggirango pangnan tangkamani sakki ong·a ine ua agandapangkuaha.
Uni bon·kame mande ra·aniko dakaniara Zubeen Garg sagi baksana Assam aro Salgro Salaram jolo donggipa manderang jenan ua didianiko on·ahachim uamangni gisepo ning·tue meli nangrimgrikaniko mesoka.
Na·simang iakoba nina man·gen:
Na·simang iakoba poraina man·gen: EGH, M’laya, Best Performing MRMA District Award-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
