Guwahati, Jan 19: Assam a·dokni Skotong Minister Himanta Biswa Sarma, niamgri napsrukbagipa sak 14 Bangladesh-ni manderangko Robibar salo rim·aha aro chel·chaksoenggipa dolrangni naljokatani baksa uamangni a·songona watatpilaha ine parakataha.
Sarma uni ‘X’ account-o seatengon, sak 14 Bangladesh-ni manderangko a·songtangchina watatpilaha aro je biapoba dongnue dongchina uamangko am·sandie India a·songoniko a·rikgalatpilgen ine seataha.
Assam a·dokko naljoke rakkiani aro songsalo tom·tomaniko rakkianian a·dok sorkarini mongsonggipa miksongani ong·a ineba Skotong Minister janapataha.
Assam Police aro sima ario chellchaksoenggipa dolrangni nangrime, niamgri napsrukbagipa manderangko champengsoani bak gita am·sandianiko dakani ja·man ia manderangko niamgri a·dokona napbae dongenga ine nikaha aro uamangko a·songtangona watatpilna man·aha.
Iandake niamgri daksrukenggipa manderangko niam gita watatpilaniko India aro Bangladesh a·songni gisepo songgigrikaniko sengaigija Assam sorkari gital policy ba niamrangko ra·gataha ine Sarma parakataha.
Indake, re·baenggipa Assam Assembly Election-ni bidingo janapengon Sarma, Bharatiya Janata Party (BJP) dolan sorkariko riktaigen ine ka·dongbee parakatan baksa songdongkamgipa manderangko chel·chaksoani aro a·dokni namroro silroroanina mikkangchi uamangni kam ka·gni agendarangkoba parakatjolaha.
Na·simang iakoba nina man·gen:
Na·simang iakoba poraina man·gen: Am•sandie man•giminrangna baten M’laya-o banggrianina kengnirang donga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
