Shillong, Mar 25: Lok Sabha Election-ni sepangbatroroengon, a•dokni dingtang dingtang political party-ni bang•a dilgiparang National People’s Party (NPP)-o bakrimani batroroenga ine nikna man•a.
Indake, Sombar salo , Mylliem Constituency-ni (INC)-ni sak ritcha mangni gita chadambe dilgiparangko NPP dolo napenganina, Nongkseh-ni Indoor Stadium-o tom•aniko dakanio, MLA Weikadmiki Shylla, MLA Banteidor Lyngdoh, Mylliem-ni gitcham MLA Hamlemson Dohling, Party State Treasurer Daniel M Thangkhiew, Party Spokesperson Himalaya Shangpliang aro National People’s Youth Front (NPYF)-ni dilgiparangni dongpaanio rimchaksoaniko dakangaha.
Una agreba, batanggimin Sukrobar salo, NPP-ni State President, Prestone Tynsong, United Democratic Party (UDP)-ni sak 30 ba 40 dilgiparangko, Ri-Bhoi a•jao rimchaksoaniko dakangaha.
Batanggimin eleksin-o, Mylliem Constituency-ni ning•o donggipa manderang, da•alo Meghalaya Legislative Assembly-o Opposition dolko dilenggipa Congress-ni Ronnie V Lyngdoh-ko MLA-na seokahachim. Indake ong•genchimoba, Ronnie V Lyngdoh, eleksin ong•na skang dal•a dal•a ku•rachakaniko dakahaoba, uarangko da•alonan chu•sokatkujaengani gimin uni dilenganio bang•a manderang ka•dongna man•jaha inenba, uamangko rimchaksoani somoio, saksa dilgipa aganaha.
Indake, dingtang dingtang political party-rangni dilgiparangni bakrimanichi aro damgni Parliamentary seat-rangna susaenggipa candidate-rangna BJP dolni chakpaaniko on•enganichi, April 19 tariko ong•atnasiengipa MP eleksin-o National People’s Party chegipa ong•na bang•en ka•dongsoenga.
Na·simang iakoba poraina man·gen: Nagaland-o NDPP-ni candidate-na NPP chakpaaniko on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
