Guwahati, May 19: Salbongani gisepon Assam a•doko petrol aro diesel-ni dam baritaiahani gimin manderang suk ong•gijaniko parakattokaha aro da•o gnigipa changna petrol aro diesel-ni damrangko bariattaiahani gimin Guwahati songjinmao petrol-ni dam gong 100-na batangaha.
Salbonga skangsan oil company-rang, petrol aro diesel-ni damko litre-prako gong gittammang ka•e bariatahachim aro Mongolbar saloba petrol-ni damko litre-prako 91 paisachi aro diesel-ni damko litre-prako 95 paisachi bariattaiaha.
West Asia-o dinggrikanirang ong•engani gimin petrol aro diesel-ni damrang da•o rang•san bariroroenganiko nikna man•enga.
Re•anggipa antiosan Guwahati songjinmao, petrol-ni damko bariatani ja•man litre-prako gong 101.21 ka•e ong•ahachim aro da•o 91 paisachi baridapattaiahani gimin petrol-ni dam da•o litre-prako gong 102.12 ong•aha aro diesel-ba gong 92.50-oni da•o 95 paisachi baridapate litre-prako gong 93.45 ong•skaaha.
Assam-o, mongsongbate Guwahati songjinmao petrol aro diesel-ni damko antion changgni dake bariatahani gimin gari gora jakkalenggipa manderang, suk ong•gijaniko parakattokaha.
Na·simang iakoba nina man·gen:
Na·simang iakoba poraina man·gen: Petrol, Diesel aro LPG-ko a•doko chu•ongen man•enga; kenjagoke brejachina to badinggiparang manderangko didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
