Shillong, May 19: Meghalaya a•doko petrol, diesel aro LPG chu•onga gitan donga aro nanga gitan uarangko tipchangatgija ra•bataitaienga ine State Level Coordinator for Oil Industry, Meghalaya-cum-Manager (LPG Sales) Shillong Area, Indian Oil Corporation, Sombar salo parakataha.
“Public Sector Oil Marketing Company-rang – Indian Oil Corporation Limited (IOCL), Bharat Petroleum Corporation Limited (BPCL) aro Hindustand Petroleum Corporation Limited (HPCL), nangchongmotgipa petroleum-ni bosturang jekai Petrol (MS), Diesel (HSD) aro Liquefied Petroleum Gas-ko (LPG) tipchanggijan a•dokona ra•baenga,” ine ua aganangaha.
To-rangko a•dokona ra•baanirang, terminal-rang aro depot-rangoni retail outlet-rangona sokatanirango mamung neng•nikani dongja aro a•dokni pilak bakrangona namedaken ra•angna man•enga aro pilak kamrangkon niroke aro name ka•na man•enga ineba ua aganangaha.
Uandake, manderangni nokrangona LPG-ko sokatanikon mongsonggipa ine done kam ka•enga ine ua aganangaha.
To-rangko ra•baanio aro pilak bading-chiwalanirangko dakani kamrangko namedake nirokenga ine Oil Industry-ni manderang janapaha.
Uandake uamang manderangko kenjagokjachina aro pangna breronga gitan to-rangko breaichina didienba, mamung jajrengna nangani dongja ine aganangaha.
Una agreba, to-rangko man•ani bidingo kakketgipa koborrangko u•ina gita Oil Marketing Company-rangni parakatanirangosan ka•dongaichina uamang jinmarangko mol•molangaha.
Na·simang iakoba nina man·gen:
Na·simang iakoba poraina man·gen: Hub News-o parakatani ja•man Sacred Heart School sepango donggipa sigimin bolko den•e gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
