Williamnagar, May 19: Sacred Heart School-ni Junior Section-ni sepango PWD quarter-o sigimin bol donganichi manderangna kengni ong•enganiko Hub News-o parakatani ja•man, Forest Department Sombar salo ua bolko den•e galaha. Ia sigimin bol je somoioba dal•a a•selko ong•atna amani gimin sepango donggipa sorokko jakkalenggipa chatro-chatrirang, ma•a-paarang, aro salanti re•ruraenggipa manderang an•tangtangni kenanirangko parakatahachim.
Bolko den•ani somoio, re•pakenggipa manderangko aro gari-gora salgiparangko naljoke rakkina ine traffic police aro Forest Department-ni manderang soroko garirangni re•aniko adita kontarangna dontongataha.
Ia sigimin bolko gadoe budurangko kae cheksirangko den•aniara namen kenbegnigipa kam ong•aha. Indake ong•genchimoba, Forest Department mamung a•sel grian bolko matchote den•na man•aha. Authority-rangni somoi gita ja•ku de•anichi chatro-chatrirang, ma•a-paarang aro ua jolo songdonggipa manderang, uamangni ru•uta salrangoni kene dongenggipa obostarangoni jokna man•aha.
Uandake, manderangko kengnioni naljokatna gong•rake ja•ku de•e bolko den•e galanina Sacred Heart Higher Secondary School-ni Principal, Fr. John Thomas baksa ma•a-paarang aro songdonggipa manderang district administration aro kam ka•anggipa department-rangko mitelaha.
Na·simang iakoba nina man·gen:
Na·simang iakoba poraina man·gen: Tura-o IEC Campaign-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
