Guwahati, May 20: Ministry of Ports, Shipping and Waterways-ni ning·o kam ka·enggipa, Inland Waterways Authority of India (IWAI), uni chang 197-gipa Board Meeting-o Salgro Salaram jolo chi gita bosturangko watruraaniko namdapatna miksonge dingtang dingtang gamchatbegipa project-rangko namnike ra·chakangaha.
Mingsa namdapatna nangenggipa mongsonggipa project-ara National Waterway-2 (NW-2) ong·a, jean km 891 mang bakroa aro ian Brahmaputra Chibimani Sadiya-oni Bangladesh-ni sima ariona soka. Ia chanchisamsoanio ringrang altuae re·rurana man·a gita chibimarangko tu·batatani, bosturangko ringona gatdona aro ra·onna biap tariani, naljoke songreanina signboard-rangko donani, samtangtango donggipa ong·telaigiparangna maming nosto ong·aniko ra·bagijagipa bilrangko jakkalani, training centre-rangko kuliani, nama ringrangko donani aro nosto ong·gipa ringrangko tarina repairing centre-rangko kulianikoba man·chapa. Ian chi gita re·ruraaniko altubatatan baksana Assam aro sepangjolo donggipa a·dokrangna tangka paisani gita tang·doaniko on·a dakchakani ong·gen.
Minggipin project-ara uan gital Ship Repair Facility-ko Assam-ni Pandu Terminal baksa nangdimatna rama jal·ang tariani ong·a jean jrigipa bosturangko ra·rurana aro ia terminal-ko da·o tarienggipa National Highway 27 baksa nangdimatnaba dakchakgen.
Uasan ong·aigija, uamang chi gita songreaniko naljokbatatna aro nengrabatatgipa ong·atna ringrangni re·ruragipa ramarangni gisepo chel·grikaniko dingtangatna, Inland Waterways Authority of India (Classification of National Waterway) 2022-ko board-ni gita ra·chakangaha.
IWAI, IIT Madras-ni NTCPWC baksa bakrimenba, Mahanadi Chibimao donggipa National Waterway-64-ko, Odisha-ni Sambalpur-oni Chhatisgarh-ni Naya Raipur-ona bakrobatatna miksonge che·em che·em tarisamsoanirangko dakenga. Odisha sorkarini mol·molanio pangchake, uamang Harikud-o tom·bimongani aro manianirangko ong·atchakna building-rangko rikna chanchienga.
National Institute of Smart Government (NISG)-ni ku·pattianiko ra·e, board-ni gita IWAI-ni ning·o gital kamni gadangrangko namnike ra·chakan baksana Jammu Kashmir-ni ge 3 national waterways-rang chong·motan NW-84, NW-49 aro NW-26-rango chi gita re·ruraaniko namdapatna miksonganikoba nipilaniko dakangaha.
Ia pilak tik ka·anirangara, chi gita re·ruraani aro India-ko pilak biaprang baksa nangdimataniko namdapatna miksonganio ong·a.
Na·simang ia video-koba nina man·gen:
Na·simang iakoba poraina man·gen: District council-rangna 15th Finance Commission-ni grant-ko on•na chol nienga: Tynsong
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
