Guwahati, Oct 1: India-ni securities market-o bak ra·anio Meghalaya-an komibatgipa a·dokrangoni damsa ong·enga, aro 4.2% nokdangrangsan mutual fund-rang, share-rang ba bond-rangko ra·anichi, national average 9.5% ong·aoni atagriksa ong·aia ine SEBI Investor Survey 2025-ni sandie nianio nikna man·aha.
Securities and Exchange Board of India (SEBI), Association of Mutual Funds in India (AMFI) aro Market Infrastructure Institutions (NSE, BSE, NSDL aro CDSL) baksa ia survey-ko ong·ataha.
Ia survey-ko Kantar dakdilangaha, aro dam 400 jillarang aro dam 1,000 songrangoni nokking ge 90,000-rangoniko am·sandianirangko dake, dingtang dingtang fund-rang ba share-rango dongiparang, dongijagiparang, done dontonggiminrang, donna miksongenggiparang aro agane on·timgipararangni agananirangko segatna dingtang dingtang bewalrangko jakkalaha.
Salgro Salaram a·dokoni Assam-o 6.5% segataha, Arunachal Pradesh 7.9%, aro Nagaland-oni 3.4% man·e Meghalaya-naba komibataha. Security market product-rangni gimin u·i-ma·sianirang barigenchimoba, tangkarangko uarango donmanchaanide komikuenga ine report-rango nikna man·gen.
A·song gimikoniko niatgenchimode, iarangni bidingo u·ia-masiani aro bak ra·anio namen dingtanggrika ine nikna man·aha. India-ni ge 63%-mang nokdangrang – 213 million – komibeoba mingsa iandakgipa tangka donani cholrangni gimin u·ia indiba 9.5% -san (32.2 nokdangrang) gisik nange bak ra·aia. Jillarango (15%) bak ra·anirang songrangna (6%) bata, aro iarangoni Delhi aro Gujarat-o bang·batgiparang ong·enga.
India-ni 80%mang nokdangrang iandakgipa scheme-rango done bang·bata tangkarangko man·anio kenanirang bang·batani gimin tangkarangko chimonge donna namnikbataia. Gen-Z nokdangrangba apsandaken kenanirang dongani gimin tangkarangna simsake iandakgipa cholrangko jakkalrongja.
Name u·i-ma·siani donggijani, ka·dongna man·gijani aro tangka bon·na kenanirangni a·sel manderang investment scheme-rango dontokja. Tangkarangko iandakgipa cholrango donna miksongenggipa altuae jakkalna man·gipa digital platform-rang, aro uandakgiparango done nikgipa manderangni agananirangko sandienga.
Tangkarangko investment scheme-rango donani gimin u·iani namen komikuenga. Social media, mobile app-rang aro TV/digital ad-rangko manderang bang·bate nina namnika. Gen-Z-rang kan·dikgipa video-rangko nibata, indiba bilsi bregiminrang article-rang, podcast-rang aro workshop-rangko namnikbata.
“Togia cha·aoniko champengna, kengnirangoni naljoke dongna, aro investor-rangni dakna man·gnirangko u·ina nanganian investor education-o dakna nangchongmotgipa ong·enga,” ine ia survey-o nikna man·aha. Bak ra·giparangoni atagrik ong·nasipile Hindi ku·sikchi nina ba poraina namnikbata, 47% joltangtangni ku·sikrangko basea, aro 5% mangmangsan English-ko baseaha.
Na·simang iakoba nina man·gen:
Na·simang iakoba poraina man·gen: Assam police Zubeen sagini siani chong·mot a·selko u·ina rake kamko ka·enga : Assam DGP
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
