Shillong, Jun 23: Green Meghalaya-ni ning•o Zero Waste Period Mission ‘She Rise’-ni production unit-ko Sombar salo, Meghalaya a•dokni Chief Minister Conrad K Sangma, East Khasi Hills a•jani Laitkroh-o kulie on•angaha.
Ia Mission-ara, jakkalpilna man•gipa sanitary pad-rangko tarina Shubham Charitable Association-ni a•bachengatgipa Mission ong•a aro ian salgro salaram jolo, jakkalpilna man•gipa sanitary pad-rangko tarina kulichenggipa karkana ong•enga.
Ia karkanako a•bachengatani bidingo a•dokni Chief Minister, talataniko on•angengon, ian me•chikrangni somoi nikanio an•seng baljokaniko on•na ja•ku de•chakatani ong•enga ine aganaha.
Chief Minister’s Special Grant-oniko on•gipa gong lak 5 tangkarangchi nangchongmotgipa ostrorangko bree jakkalahani gimin Shubham Charitable Association-ko mittelpilangengon, ian sak 25-na baten me•chikrangna kamrangko ka•e cha•na cholko on•aniba ong•enga ine Chief Minister aganaha.
Ia mission-chi tarienggipa sanitary pad-rangko Education aro Social Welfare department-ni gita a•dok gimikni chatrirangna suale on•na nanga ineba ua aganaha.
Na·simang ia video-koba nina man·gen:
Na·simang iakoba poraina man·gen: Ambubachi Mela-o Guwahati-ni NGO, cha•anirangko indin sualenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
