Shillong, March 10: Shillong Govt College of Engineering-ko rikna gita chu·gimik tangka gong kror 26 nanggipaoniko, 90% korosko on·a ku·rachakani bak gita tangka gong kror 23.4-ko ma·mong sorkari on·ataha aro indake 10%-kode a·dok sorkari gamatskagen, inenba Education-ni Minister Rakkam A Sangma jinamna parakataha.
Ia college-o Civil aro Electrical Engineering course-rangko a·bachengatna miksongenba AICTE-ni ra·chakaniko man·a gita re·anggipa 2024 bilsini December jao dorgasto-rangko galaha. AICTE, 2025 bilsini January aro February jao nipilaniko dakanio building-rango adita taridapna nanganirangko nikaha aro da·o uarangko taridapengaha.
Ia college-o academic block, administrative block aro hostel rikanirangko matchotatenba, 2023 bilsini January 16 tariko, Skotong Minister Conrad K Sangma-ni jakchi nokdonggae on·angaha. Sorkarini gita ia college-o ge 55 kamna biaprangko nakatatan baksana Polytechnic & Shillong Engineering College-ni Additional Director-koba college-ni Principal-na seokaha. Shillong Polytechnic-oni kamna kragipa sak 13 skigiparangba ia college-ona re·batokaha.
Ia college-na, NEHU-ni bilsi 3-na ra·chakaniko on·anichi ia bilsioni class ra·anirangko a·bachengatna gita man·gnok.
Na·simang ia video-koba nina man·gen:
Na·simang iakoba poraina man·gen: WGH-ni ning·o ong·gipa songrang ‘Best Village Award’-na susanasia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
