Shillong, May 12: Shillong Lok Sabha by-election-ko MP ong•gipa mandeni siangaoni jadokni gisepo ong•atna nangenga aro ia by-election-ko ong•atna gita Election department, chu•gimik kamrangkon tarisomanaha ine Mongolbar salo, Meghalaya a•dokni Chief Electoral Officer (CEO) BDR Tiwari parakataha.
Shillong-ni Lok Sabha MP Ricky AJ Syngkon, re•anggipa February jani 19 tariko, tanggitik saaniko man•e siangahachim.
CEO-ni kobor ra•timgiparangna parakatani gitade, MP-ni sianganina da•o ong•atna nangenggipa by-election-ko uni siaoni jadokni gisepon ong•atna nangenga aro iana election department, kamrangko ka•somanaha.
Rajya Sabha MP-ko seokani bidingo janapatskaengon, da•o ong•enggipa Rajya Sabha MP-na dongimin somoi matchotna skangan election-ko ong•atgen ine CEO parakataha.
Shillong Lok Sabha by-election-o susana gita da•o dipet National People’s Party (NPP) aro Voice of the People’s Party (VPP)-de candidate-rangko parakmanaha. Shillong Lok Sabha by-election-na NPP, Khasi Authors Society (KAS)-ni president Dr DRL Nonglait-ko candidate dake parakaha aro VPP-ba party-ni dilgipa Batskhem Myrboh-ko candidate-na parakskaaha.
Na·simang iakoba nina man·gen:
Na·simang iakoba poraina man·gen: NEET-UG 2026 porikkako ong∙atgiminko den∙galanina a∙song gimiko ding∙chaoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
