Shillong, March 24: Meghalaya-ni chadamberangna nambata janggi tangani cholrangko on·na ine, IndiGo Airlines, Shillong-o cabin crew-na seokanirangko dakenba Salgro Salaram-oni dingtang dingtang gisik nange re·bagipa manderangoni sakbonga candidate-rangko seokaha jeonin sakgittamde Khasi me·chikrang ong·a.
Ia walk-in campus interview-ko Emporium Skills Training Institute (ESTI) baksa bakrime Laitumkhrah-o Don Bosco Youth Centre-o ong·atangaha. Ia seokanirangko chu·gimik sak 56 me·chik candidate-rang bak ra·angaha.
Adita gadangrangna nianirangko dakani ja·mano, Deilana Shallam, Mahi Sah, Cassandra War, Silveris Mary Lyndem aro Ritika seokako man·aha.
Ia seokaniarangara a·dokni skill development institution-rang baksa airline aro uandakgipa dolrangni bang·bate bakrimanirangniko mesoka ine official-rang parakataha. ESTI baksa barkrimanio ian gnigipa changna Don Bosco Youth Centre-o cabin crew-na seokaniko dakani ong·enga.
Ia bakrimaniara Meghalaya-ni aro Salgro-Salaramni chadamberangna aviation, hospitality aro cruise services-o janggi tangani cholrangna skie on·anirangko dakna ine September 2025-o soi ka·gimin Memorandum of Understanding-ni (MoU) bak ong·a.
Mongolbar salo ia seokaniko dakaniara ia MoU-ni ning·ao brigipa changna ong·atenggipa ong·a aro re·baenggipa jarango a·songo aro a·songni a·palchi dingtang dingtang janggi tangani cholrangna seokanirangko dakanggen ine manchisoenga.
Don Bosco Youth Centre-ara a·doko changa-sapako namdapatani aro janggi tangani cholko man·ani mongsonggipa cholko on·giparangoni damsa ong·enga, aro iano cahdamberangna India-o aro gipin a·songrangonaba kamrangko ka·na seoke watataniko dakenga. ESTI baksa uni bakrimenganio, da·ororoni chasongo nangenggipa dingtang dingtang changa-sapanirangko candidate-rangna skie on·enga aro a·song dam 20-rangona baten kamrangko ka·na cholrangko on·enga.
Na·simang iakoba nina man·gen:
Na·simang iakoba poraina man·gen: Assam-ni Kuki SoO dolrang tom·tomaniko ra·bana sorkari baksa ku·rachakgrikaniko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
