Shillong, Apr 22: Indo-Bangladesh sima-ari jolko bera kapenganio je a•arangan bera nalsachi man•anga uarangni a•a nokgiparangna kraa on•skaaniko on•china Meghalaya sorkari Ma•mongko mol•molaha, uan janggi tangna dake cha•anio nangchakegipa ong•ani gimin man•chongmotna nanggipa ong•a inaha.
Deputy chief minister in-charge Home Prestone Tynsong-ni talatani gitade, Indo-Bangladesh sima-ari jolgimiko bera kakugija 50km-mangni gita dongenga ina.
“Ia 50km-ko bera kachongmotna chinga chingni bil amadipet jotton ka•enga. Indake ong•oba adita ra•bianirangko chagrongna nangenga,” kobor segiparangna ua aganaha.
Game cha•na namgipa a•arangko darangniba ong•gijagipa a•ao (no man’s land) ga•akate bera kana ari salako a•a nokgiparang aro nokmarang jegalaha ine ua aganaha.
“…adita a•a nokgiparang aro nokmarang aganaha je ianoni bera kapengode bang•bata a•arangan darangniba ong•gijagipa a•a ba biaposa ga•aka. Indake ong•ode, bera nalsachi ga•akgipa a•anaba Indiani sorkari chingna kraa gampilskaaniko gamchina,” ua aganaha.
“Uan a•a nokgiparangni jegalani. Bebean ia obosta namen ra•chakna kragipa ong•a aro uani giminan chinga Ministry of Home Affairs baksa kam ka•enga jedakode bera kana cho•gipasrek a•a jolgimiknasan gamaigija berani a•palo ga•akgipa a•anaba gamchina Indiani sorkariko uamang didichina, a•a nokgiparangni aro a•dokni manderangni janggi tanganio namen nangchakgipa ong•ani gimin ia gimaaniko uamangnaba hisap on•pana nanga,” Tynsong agandapaha.
A•ani golmalko namatna man•kujaengon uana ja•kurangko ga•ani bidingo ua aganaha je sima-ariko Ma•mong mangrakdapataha.
“Anga chanchia Indiani sorkari, Ministry of Home Affairs, sima-ariko chelchakgipa dolrangna aroba ge•anti a•dok sorkarirangna Indo-Bangla sima-ari jolgimik gitan napdrabana man•jachina gita rake kam ka•china mikrakataniko on•manaha,” ua aganaha.
“BSF-ni gitade, bang•bata bilrangko olgrokgipa biaprango donataha,” Tynsong aganaha.
Na·simang iakoba nina man·gen:
Na·simang iakoba poraina man·gen: Assam: Bilsi 8 ong·gipa bi·sako bolo kae namen saknaaniko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
