Guwahati, Apr 22: Assam-ni Sonitpur a·jani Rangapara jolni Bishnupur minggipa biapo songdonggipa bilsi 8 ong·gipa Vishal Karmakar minggipa me·a bi·sako cycle cha·uaha ine potchipenba bolo kae namen saknaanirangko on·ahanina manderang ding·chaotokaha.
Ua jolo songdonggipa manderangni aganani gitade, matnangako man·gipa railway-o kam ka·gipa Rakesh Kumar minggipa mande me·a bi·sako an·tangni nokchi rimangenba selpri bolo uni jakrangko kae donaha aro uko namen doka-satanirangko dakaha.
“Anga pringo angni kam ka·gipachi re·angaha, aro cycle-ko cha·ua ine matnangenba angni depanteko bolo kae donaha ine knaon anga uko rimena ua biapona re·angaha indiba uamang uko watjaha. Chinga police station-ona re·angaha indiba angni depantekode apsan biapon donangaha. Uko watchina aganon, uamangko saie-inteke roaha. Angni depante dos gri, ua sakgipin me·a bi·sa baksa nokchina re·bapilmitingo, uko cha·ua ine potchipenba soroksamoniko uko rimangaha,” ine me·a bi·sani ma·gipa parakataha.
Uandake ua me·a bi·sako namen doka-sataha aro uni nokona sokbaon ua namen wakgalaha ineba ua agandapangaha.
Obostako mikrontangchi nikgiparangni aganani gitade, ua me·a bi·sako doka-satakosan dakaijaha indiba uni okoba ga·tinge uko wakgalaona sokataha, aro ua namen bilgribeaha. Me·a bi·sako ja·mano nokona rimbaaha, aro unon uni obosta namjabatroroaha.
Ian namen kragijagipa kam ong·a, aro ia me·a bi·sa chonengkuani gimin uko indake saknaataniara ka·namgijagipa kam ong·aha ine obostako nikgiparang parakataha. Ia me·a bi·sako maio pangchake indake matnangaha ine bang·a manderangan sing·doaha aro niamko rakkigiparangna agane on·gija an·tangan doka-satanirangko dakahani gimin uni kosako jegalaha.
“Me·a bi·sako sorokoniko rimangaha aro mamungko sandichenggija uko doka-sataha. Chinga uko beng·na jotton ka·on, chingko police-na on·gen ine ua ka·mikkenataha,” ine uamangoni saksa aganangaha.
Uandake, ia obostani bidingo namedake am·sandina aro matnangako man·gipa mandeni kosako bilakgipa sastiko on·china songdonggipa manderang dabiangaha.
Na·simang iakoba nina man·gen:
Na·simang iakoba poraina man·gen: Zubeen Garg-ni sianina matnanga man•gipa Shyamkanu Mahanta-ni hearing-ko kachari ra•doata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
