Shillong, Jan 8: Song ba gittimko silroro-namroroatna apsan nangrime kamko ka·na gita chadamberang aro gittimni manderangna biap ba cholko on·na aro uano dongenggipa manderangna maiba namgniko ra·bagnigipa minggipin kamrangna jakkalna man·na gita biapko on·na miksonge, a·dokni skotong minister Pa Conrad K Sangma, mija Sonibar salo Jaiaw Lannsonalane-o Community Hall cum Sports Complex-ko rikna gita pangchakani ro·ongko songe on·angaha.
Foundation laid for the construction of the Community Hall Cum Sports Complex of Jaiaw Lansonalane which will give the community and youth a space to gather for community building & other activities. We dedicate it to the residents of Jaiaw Lansonalane pic.twitter.com/hk28GVoh3P
— Conrad Sangma (@SangmaConrad) January 7, 2023
Programo manderangna aganprakatengon, ia project-na Chief Minister Special Development Fund (CMSDF)-oniko skanggipa gadango chamenggipa gong lak 18 tangka-paisarangchi rikchakatgen ine a·dokni skotong minister parakataha.
A·dokni dakchakgipa skotong minister Pa Prestone Tynsong, Lannsonalane Block Committee-ni chairman Ransom Sutnga, K M Warjri aro Jaïaw Lannsonalane-ni executive committee-ni memborrang gimikni dongpaanio Sonibar salo pangchakaniko songe on·angmitingo, skotong minsiter-ni aganprakatan gita, ian ge·sa chonbegipa project-san ong·oba namen miksongani gnanggipa ong·a aro pilak dilgiparang aro gittimni manderang ching baksa apsan melie kamko ka·genchimode ia project-ko somoi gitan matchotatna man·gen.
Ia project-ko bimang ong·atna gisiko nange kamko ka·ahanina Lannsonalane Block Committee-ni chairman Ransom Sutnga-ko dingtangmancha de·mittele aganangengon, uni mol·molaniko man·e chinga sorkarini gitaba ia project-ni chu·sokaniko nangnike gong lak 18 tangkarangko chame on·na gita kusi ong·en ra·chakaha ine parakatan baksa, sal 7 ba sal 10 rangni gisepon ua tangkarangko society account-ona chipatgen ineba skotong minister Jaiaw Lansonalane-ni manderangna ka·dongatanikoba on·angjolaha.
Janapjolna gita, CMSDF-ara a·dok gimikni pilak nanganirangna jakkalgnigipasa ong·ani gimin, gong lak 10 tangka-paisarangkosan chame on·rongaiachim.
