Tura, Feb 11: Skotong Minister Conrad K Sangma, West Garo Hills a·jao kal·susaani aro chadamberangni bakrimaniko bariatna miksonganio Sports Infrastructure Development ning·o pangchake Tura Government College-o tarigimin Nokrek Skate Park-ko, Budbar salo oprake on·aha.
Ia tom·anio, Tura Government College-ni chatro chatrirang, Deputy Commissioner Vibhor Agarwal, Superintendent of Police Abraham T Sangma, gipin official-rang, faculty member-rang aro Decathlon-ni re·bagipa manderang dongpae bak ra·angaha.
Ia Skate Park-ko, Decathlon-ni Corporate Social Reponsibility (CSR) gita tariaha aro iako OneStage baksana Global Himalayan Expedition (GHE) nangrimenba chu·sokataha.
Ia park-o, a·jani chadamberangna kal·susaanirangko kal·chakna aro somoi re·ate rona dakchakgen.
Tom·anio Skotong Minister jinmana aganengon, ia project-ko chu·sokatna on·gile kam ka·giparang jekai Tura Government College aro dingtang dingtang bakrime kam ka·gipa dolrangko mitelpilskaangaha.
Batanggimin bilsio ia project-na pangchakaniko songe on·ani gimin gisik ra·atpilengon, ia project-ko da·alo chu·sokatna man·ahanina kusi ong·aniko ua parakataha.
Indake, bang·a Skateboard kal·gipa chadamberangni, biaprang chu·onga gita dongjani a·sel manderangni rochakram biaprango skianirangko nikaha, da·alo uamang ia park-o skie ra·na man·skagnok ine ka·donganikoba ua parakataha.
Chadamberangna bang·a biaprangko rike on·a nangengani gimin janapskaengon, chadamberangni dakenggipa kamrangko champengna man·ja, batesa uamangna iandakgipa biaprangko tarie on·enba uamangna cholrangko on·a nanga ineba Skotong Minister janapataha.
A·dokni dingtang dingtang bakrango chadamberangni Skateboard-ko kal·na gisiko nanganiko nikrorona man·engani gimin apsandakgipa biaprangko gipin jolrangoba tarie on·gen ine ku·rachakangan baksa, uamangni gisik nanganiko aro changa sapaniko jakkalna didianiko on·a gita mikkangchi joltangni gita aro state-level-ni susagrikanirangkoba ong·atna man·gen ineba ua aganaha.
Decathlon-ni re·bagiparang uamangni dakchakaniko on·a sikpaaniko parakatengon, Sports Infrastructure-rangko tang·dobatatna gita sorkari aro private stakeholder-rang baksa bakrime kam ka·ani gimin aganangaha.
Na·simang iakoba nina man·gen:
Na·simang iakoba poraina man·gen: Drug-ko bon·atna kamko ka·anio VDP mongsonggipa on·gilgiparang ong·a : DREAM Director
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
