Sohra, June 10: So·otako man·gipa Raja Raghuvanshi-ko Sohra-ni manderang Mongolbar salo gisik ra·e mande ra·aniko dakaha, aro Meghalaya aro uni manderangna namgija bimungko on·anina konta 24-ni gisepo kema bi·china, ong·jaode niamni gita ja·ku de·gen ine national media-ni dolrangna parakataha.
Hima Sohrani ong·atgipa ia tom·anio hajalni hajal manderang bak ra·e candlerangko so·aha, bi·anirangko dakaha aro May 23-o an·tangni jikgipa Sonam Raghuvanshi aro unbaksa sakgittam manderangni jako so·otako man·gipa Raja Raghuvanshi-ni nokni manderang baksa uamangni dukni somoio bakrimaniko mesokaha.
Ia tom·anio, sianggipa mandena duk ong·aniko mesokan baksa adita national TV channelrang aro manderangni social media-ko jakkale Sohra aro Meghalaya a·doko manderangna naljokgijagipa aro namgija obostarara gapgipa ine matnanganirangko rake jegalaha.
“Social media-o Sohra aro uni manderangni kosako bodnam ka·anina chinga uamangni kema bi·aniko dabienga. Re·baenggipa konta 24-ni gisepo kema bi·jagenchimode, chinga FIR ka·gen aro niamni gita ja·ku de·gen,” ine tom·anio bak ra· gipa Hima Sohra-ni agantimgipa parakataha.
Sohra-ni MLA Gavin Miguel Mylliem-ba ia tom·anio dongpae manderangni sa·dikani aro ka·onanganiko parakataha. “Ia obosta chinga gimikkon so·sojengjeng ong·ataha. Raja-ara chingni biapona sokgipasa ong·achim. Sohra-ni manderangko uko kusi ong·bee rimchaksoaha indiba una ong·gipa obostade ia biapni gimin mesokani ong·ja. Koborrangko name parakatani pal, national media Sohra-ko namen kenbegnigipa biap ine aganaha aro ian namen kratcha·beani kam ong·a,” ine ua aganaha.
Sonam Raghuvanshi baksa dos dakgipa sakbriko da·o pulisrang rim·aha aro ia a·selna kakketgipa bichalko on·gen ine Meghalaya Poilce parakataha.
Ru·utbea bilsirangonin Meghalaya-o tom·tomani aro manderangko name sokachakaniko nikna man·gen aro a·palchini manderangni re·bae namgijagipa kam ka·angani a·dokni nama kamrangko pindapna nangja ine civil societyni dilgiparang aganaha.
Uandake, Sohra-ni manderangni miksongani namen rongtala – Raja-na kakketgipa bichalko on·na, Meghalayako mande ra·na, aro kakketko banaidape agangiparangna kamtangni kri biteko on·na.
Na·simang ia video-koba nina man·gen:
Na·simang iakoba poraina man·gen: Assamni Rosmita Hojai-ni manggisiko Uttarakhand chi rikam-oniko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
