Dibrugarh, Nov 24: Robibar salo, Union Minister of Ports, Shipping and Waterways Sarbananda Sonowal, Namrup-o donggipa Brahmaputra Valley Fertilizer Corporation Limited-ni (BVFCL) kam ka·anirangko nirokataha aro India-ni Salgro Salaram-o ge·a-gamanio jakkalgipa samrangko bang·bate tarina Assam Valley Fertilizer & Chemicals Company Limited (AVFCCL) plant-ko rikanirangko nieaha.
Sonowal-ko BVFCL-ni Director (Finance) Subhash Chandra Das rimchaksoaha aro CISF una Guard of Honour-ko on·angaha.
Damsan tom·e chanchirimanirangko dakon, BVFCL-ni officialrang – chong·motan Das aro General Manager (Marketing) Satyajit Mishra, ge·a-gamani samrangko badita bang·e tarienga, maidakgipa bading-chiwalani cholrangko jakkalenga aro mikkangchi kamrangko apalbatatanina chanchisoanirangko agan-talate on·angaha. Uamang ua jol gimiko urea tarigipa damsamangmang donggipa fertilizer plant Namrup-III unit-ni gamchataniko talatangaha jean bang·bata manderangna janggi tangani cholrangko on·enga.
Salgro Salaram gimikni game cha·giparangna urea-ko sokatanio BVCFL-ni on·gilaniko Das agane on·angaha aro ge·a-gamanirangko nambate dakangkuna kamrangko ka·na naanganirangni gimin janapangaha.
Uandake Sonowal, AVFCCL plant-ni mikkangchi kam ka·anirangko nienba, uan Salgro Salaram-o karkanarangko ra·baanio dal·rorona Prime Minister Narendra Modi-ni janapaniko chu·sokatani ong·a ine aganangaha. Assam-o tarigipa ge·a-gamanio jakkalgipa samrangko palna-sim·na gital cholrangko sandina aro a·palchi watatna man·na gita kamrangko ta·rakbate ka·china ua mol·molangaha.
Agriculture-ni department-rang aro university-rang baksa nambate bakrimanirangko nanga inenba, BVFCL-o kam ka·gipa dolrangko ku·mong-nangrime kam ka·china aro a·songo ge·a-gamani samrangko nanga gita tarina man·na krengchina ku·pattiangaha. “An·ching an·chingni a·dokko dal·roroatna aro Namrup-ko namgipa karkanarang donggipa mingsinggipa biap ong·atna ku·cholsan kam ka·na nanga,” ine ua aganaha.
Sorkarini dal·dalgipa official-rang jekai MLA Teras Gowala, APL-ni Chairman Bikul Deka aro district administration-ni manderangba ia tom·anio bak ra·angaha.
Tom·ani ja·mano, kobor ra·timgiparang baksa aganrgrikengon, BVFCL namen bilake kam ka·enga aro ia bilsina dogimin miksonganirangko chu·sokatna namen re·mikkangenga ine Sonowal aganaha. Gital fertilizer plant-ko rikna Raiko on·anina ua Prime Minister-ko mitelangaha aro Salgro Salaram-o iandakgipa kamrangko ka·anirangko bilakbatatna ma·mong sorkarini gisik nange kam ka·anikoba parakataha.
Na·simang iakoba nina man·gen:
Na·simang iakoba poraina man·gen: Traffic-ni niamrangko chatro chatrirangna skie on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
