Tura, Jan 25: January 24 tariko, 55 batalion Border security force South Garo hills districtni Indo-Bangla border, Dipulipara BOP-o Civic action programko ong•atangaha. Iako ong•ataniara, jolni manderangna an•tangtangna chelchakaniko u•ie ra•na aro uamang baksa meli-nangrimaniko nambatatna miksone ong•achim
Ia programko ong•ate, sambajolo donggipa , jekai, Sibbari, Dabram, Dipulipara, Namchapara, Kapasipara, Netri, Damdama, Jongkol, aro Gasuapara songrangna, kal•susaani bosturang, solar system inverterang, chi filterang aro indakgipa gipin bosturangko suale on•angtokaha. Ta tom•anio sambajolo donggipa chatro-chatrirangba bak ra•angpaaha. South garo Hils ni DC Shri. F M Dopth IAS, 55b batalioni commandant Shri, KN Tripathi, 100 batalioni Shri, AK Tiwari, BSFni officerang, songni-nokni nokmarang,aro skul skigiparangba tom•ao dongpae bak ra•angaha.

Ia indakgipa tom•ani, jeon 5,96,398 ni gita koros ong•gipa bosturangko suale on•angahachim, ian ua jolni manderangna namen dakchakani ong•aha ine BSF rangni indakgipa namgipa ja•kurangna mittelpilskatokaha.