Boko, Oct 16: Kalatali-ni Chaudhuripuram minggipa gittimo mingsa namjabegipa obosta ong•aniko nikna man•aha. Budbar salo, Sonatoli Regional College-o, 3-gipa semester-o poraienggipa Khairun Nessa minggipa Assamese chatri saksako ka•saninggija dake so•ote galangaha.
Police-ni aganani gitade, Balgaon Char-o songdonggipa Nurul Islam minggipa mande, Khairun-ni nokni manderang dongjamitingo uni noko nape uni gitokko rasote ua biaponi katangaha.
Ua jolo songdonggiparangni aganani gitade, matnangako man•gipa mande me•apa ong•genchimoba, Khairun-ko an•tangko bia ka•china draengachim. Ua changni chang jechakon, Islam uko ka•onange so•otaha. Manderangni aganani gitade Khairun-ko so•otaniara manchisogimin kam ong•a aro Islam-ko bia ka•na jechakani giminan ong•a.
Jorshimuli Outpost-ni police-rang, koborko man•ani ja•mano obosta ong•gipa biapona re•ange sandirikkitanirangko a•bachengataha. Uandake, Nurul Islam kate dongenga aro uko rim•na kamrangko ka•engaha ine Officer-in-Charge Pankaj Das parakataha.
Khairun-ko ka•saninggija dake so•ote galanganiara songni-nokni manderangko namen jagok-jabrang ong•ataha aro uamang so•otako man•gipa chatri-na ta•raken kakket bichalko on•na nanga ime dabienga.
Na·simang iakoba nina man·gen:
Na·simang iakoba poraina man·gen: Nongkrem Govt UP School-ni Platinum Jubilee manianiko matchotatanio CM bak ra·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
