Williamnagar, July 12: Williamnagar District Basketball Association aro District Sports Office, GSU East Zone aro Surmount Club-ni nangrime Rongrenggre Government Higher Secondary School Basketball Court-o ong·atgipa Open-to-All Summer Basketball Tournament namen matchotaha.
Ia tournament-o me·asa dolrangni susaanio, Dubakh A aro me·chik dolrangni susaanio Diva Drive chegipa ong·aha.
Ia bon·kamgipa susaanio PHE Minister aro Williamnagar-ni MLA Marcuise N Marak mongsonggipa sokgipa ong·e bak ra·angaha aro unbaksana District Sports Officer (DSO), Babira G Momin aro gipin dilgiparangba dongpae bak ra·angaha.
Ia tom·anio jinmana aganprakengon, a·doko kal·susaaniko tang·doatna sorkarini krenge kam ka·enganina aro iandakgipa kal·susaanirangko ong·ate kal·susaanina gisik on·gipa chadamberangna cholko on·enganina Williamnagar District Basketball Association-ko, Minister Marcuise N. Marak mitelpilskaangaha.
Unbaksanaba, skotong Minister Conrad K Sangma aro Cabinet Minister-rangni dongpaanio Finance Minister Nirmala Sitharaman-ni Mawkhanu Football Stadium-ko nokdonggae on·ani bidingo janapatan baksa, re·baenggipa 2027 bilsio ong·atnasienggipa National Games-na mongsonggipa kal·susaani bak ong·gen ineba ua aganaha.
Indake ia Tournament-o me·chik dolrangni final susaanio, Diva Drive aro Salgro 13 dol susaaha aro dolgni bil·tinggrike susaani ja·man 39-34 point-rangko man·enba Diva Drive chegipa ong·aha.
Apsandaken me·asa dolrangni susaanio Dubakh A aro Tynrei dolni gisepo susagrikaha aro dolgnian bil·tinggrike kal·ani ja·man 69-67 point-rangko man·enba Dubakh A dol chegipa ong·skaaha.
Chegipa dolrangna, trophy baksa cash prize aro certificate-rangko mongsonggipa sokgipa Marcuise Marak-ni jakchi on·angaha. Uasan ong·aigija tournament gimiko kal·anio nambatsrange kal·anina, Most Value Player (MVP)-ko Diva Drive dolni Riya Thapa aro Dubakh A doloni Meban Shadap man·angaha.
Na·simang iakoba poraina man·gen:
Na·simang iakoba poraina man·gen: Tura-o Durand Cup Trophy-ko ra·e re·jomaniko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
