Shillong, Feb 25: East Khasi Hills-ni Pynter songo Indigenous Faith Conference-ko ong·atani somoio RSS functionary Sunil Deodhar-ni katta agananirang manderangni gisepo meligrikgijanirangko ong·atna ama aro ua sorkariko jebasi matnanganirangko dakaha ine National People’s Party-ni manderang uni kosako jegalangaha.
“Manderangni gisepo meligrikgijanirangko ra·bana agangimin kattarangna chinga namen jajrenga,” ine NPP-ni ku·wattimgipa HM Shangpliang Budbar salo parakatenba, Deodhar-ni kattarang kakket ong·ja aro manderangni gisepo mitchigrikani aro nangrimgijaniko ra·bana miksonge agangimin ong·a ine aganangaha.
“Ian so·sojengjeng ong·atna jotton ka·ani ong·a. Iandakgipa kattarangko ra·chakjachina aro manderangni gisepo meligrikani aro nangrimaniko ra·bachina chinga pilakkon mol·mola,” ine ua agandapangaha.
“Party-ni gita chinga songsaro bakrime aro darangkoba watchanggija meli-nangrimaniko ra·bana krengenga. Uandake, tom·tomaniko ra·bana aro mamung kenani gri ku·cholsan janggi tangna chinga kamrangko ka·angkugen. A·dokni manderangko uamangni chakchikna man·a ine pilakan u·itoka. An·chingni songsarni janggi tangani bewalko aro tom·tomaniko jingjengatna on·jawa,” ine ua aganangkuaha.
Uandake tom·tomani, chakchikgrikani, ma·sichakgrikani, aro ku·cholsan nangrimaniko ra·bana ja·ku de·china NPP dilgiparangko didiangaha.
Una agreba, Deodhar-ni namgijagipa aro kakketgijagipa kattarangko agananina dostangko ra·china aro kema bi·chinaba uamang dabiangaha.
Na·simang iakoba nina man·gen:
Na·simang iakoba poraina man·gen: Reservation Policy-ni bidingo Expert Committee-ni report-ko VPP jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
