24.6 C
Tura

SWGH a•jani gital skul nokrangko CM-ni jakchi nokdonggae on•a

Must read

HUB NEWS | 28 January 2023

Northeast Media Hub - is a multi media production firm based in Meghalaya. It currently produces news content under its brand "Hub News" which...

Youth Congress burn effigies of Pala and Deborah 

TURA, Jan 28: effigies of MPCC president Vincent Pala along with working president Deborah Marak and two Congress candidates were burnt in a protest...

Shillong celebrates International Customs Day 2023

Shillong, Jan 27: The Commissionerate of Customs (Preventive), NER Shillong, CBIC, Ministry of Finance on Friday celebrated International Customs Day 2023 at the U...

Pynshngain N Syiem exudes confidence in winning Pynthorumkhrah seat

Shillong, Jan 27: Congress working president Pynshngain N Syiem on Friday expressed confidence to win from Pynthorumkhrah constituency in the upcoming assembly elections, slated...

Tura, Feb 1: South West Garo Hills a•jani Garobadha Secondary School aro Rangsakona Higher Secondary School-ni gital nokrangko Meghalaya a•dokni Chief Minister Pa Conrad K Sangma, Feb 1 tarik Sombar salo nokdonggae on•angaha aro ia skul nokrangko nokdonggae on•angani somoio a•dokni Education Minister Pa Lahkmen Rymbui, Rangsakona-ni MLA Zenith Sangma, Selsella-ni MLA Ferlin Sangma aro dingtang dingtang officer-rangba dongpae bak ra•angaha.

Ia gital skul nokrangko ‘Supporting Human Capital Development’ project-ni ning•o rikna gita Asian Development Bank (ADB), tangka paisarangko dakchake on•angaha aro tangkarangko Rangsakona skulna gong kror 1.85 aro Garobadha skulna gong kror 3.09-ko chame on•aha.

Ia skul nokrangara a•dokna chamgipa gong kror 650-ni project-rangoni mingsa ong•a aro da•o dipet ia project-ni ning•o a•dokni dam 11 a•jarango dam 117 gital skul nokrangko rike on•na man•aha.

Ia gital skul nokrangko nokdonggae on•angani somoio a•dokni Chief Minister, jinmana aganprakengon, ia nambegipa project-ko a•doko ra•gatahani gimin Education department aro ADB-ko mittelpilangaha.

A•gilsako bida budini gamchatgipa ong•ani bidingo janapangengon, “Bida budi gride darang a•dok ba a•songrangan namroro silrorona man•jawa. An•chingni songsalna, a•songna ba a•songni namroro silroroanina bida budian mingsa nangchongmotgipa krong gita ong•a aro an•chingni chadamberang chu•onga gita cholrangko man•china chingni sorkari, ia lekka porako chingni mongsonggipa daito gita ra•aha,” ine Chief Minister parakataha.

Onbatgipa gadangonin lekka porani cholrangko tang•doatna gita sorkari kang•kare kamanaha ineba ua parakataha.

“Ia bilsini gisepo chinga komibeoba a•dokni dam 200 LP skulrangko taridapgen aro LP skulrangko taridapna gita chinga skul damprakna gong lak 40-ko chame donmanaha. Mikkang bilsi gittamni gisepo chinga bak dake komibeoba dam 800 skulrangko taridapanggen,” ine Sangma aganaha.

A•doko lekka porako on•chakgipa biaprang namjani gimin an•tangni suk ong•gijaniko parakatengon, a•dokni skul aro college-rangko namdapatna gita dingtangmancha project-ko a•bachengatahani gimin ua, a•dokni Education Minister aro Education department-ko mittelpilangaha.

Meghalaya a•doko galchipako man•enggipa LP skulrang dam 2000-na baten dongachim ine janapatengon, “Batanggimin bilsirango tangka paisani gita neng•nikanirangko chagrongna nangahani a•sel ia LP skulrangko tarichipgija donaiahachim. Indake ong•genchimoba chingni sorkari, skulo poraienggipa bi•sarangni namgnina iandake galchipe donako man•enggipa skulrangna skanggipa daitoko on•chengna chinga tik ka•aha,” ine Sangma aganaha.

Williamnagar Govt College aro Baghmara-ni Captain Williamson Sangma Memorial College-ni gital nokrangko rikna gita sorkari ia college damgninan gong kror 12 ka•e tangka paisarangko chamatmanaha ineba ia tom•anio Chief Minister, jinmana parakataha.
Chatro chatrirangni namgnina detangtangko name nirokchina gita ma•a paarangko didiangengon, “Bi•sarang konta 18-na baten ma•a paarang baksa somoiko re•atrongani gimin ma•a paarang, detangtangna somoiko on•na nangchongmota. Bi•sarang home work-rangko ka•engoba ba class-rangchi re•engoba ma•a paarang pangna dedrangni kamrangko nirokatna nanga. A•doko lekka porani gadangko dingtangatna an•ching sakantian bakrime kamko ka•na nangenga. Skigiparang, ma•a paarang aro chatro chatrirang, pilakni kaman apsan dake gamchatgiparang ong•a,” ine Sangma aganaha.

Ia tom•anio a•dokni Education Minister Lahkmen Rymbui-ba jinmana aganprakangengon, SSLC porikkao South West Garo Hills a•jani result-rang namrongjaengani gimin an•tangni suk ong•gijaniko parakangaha aro mikkangchi porikkani result-ko nambatatchina gita a•jao songdongenggipa pilakkon didiangaha.

“South West Garo Hills a•jao porikkako segipa sak 100-oni sak 74 chatro chatrirangde fail ong•enga, iara maini a•sel ong•enga? A•jao pass ka•gipa chatro chatrirang komiengani gimin am•sandie taridapna gita chinga committee-ko songe donmanaha. Ia neng•nikaniko sorkarichisande namatna man•jawa aro a•doko lekka porani gadangko nambatatna gita an•ching pilakan apsan nangrime kamko ka•na nanggen,” ine Rymbui aganaha.

More articles

LEAVE A REPLY

Please enter your comment!
Please enter your name here

Latest article

HUB NEWS | 28 January 2023

Northeast Media Hub - is a multi media production firm based in Meghalaya. It currently produces news content under its brand "Hub News" which...

Youth Congress burn effigies of Pala and Deborah 

TURA, Jan 28: effigies of MPCC president Vincent Pala along with working president Deborah Marak and two Congress candidates were burnt in a protest...

Shillong celebrates International Customs Day 2023

Shillong, Jan 27: The Commissionerate of Customs (Preventive), NER Shillong, CBIC, Ministry of Finance on Friday celebrated International Customs Day 2023 at the U...

Pynshngain N Syiem exudes confidence in winning Pynthorumkhrah seat

Shillong, Jan 27: Congress working president Pynshngain N Syiem on Friday expressed confidence to win from Pynthorumkhrah constituency in the upcoming assembly elections, slated...

Tripura: Former CPI-M MLA and TMC leader join BJP

Agartala, Jan 27: In a big political development, CPI-M MLA Moboshar Ali and former minister and former Trinamool Congress president Subal Bhowmik joined BJP...