Ampati, Sep 1: South West Garo Hills District Executive Force (SWGH DEF), adita jarangna skang a·jao donggipa sorkari aro manderangni gamko cha·oani case-rangko bang·en man·soaha aro ia cha·oanio mongsong ong·e jak donggipa mandeko rim·aha.
South West Garo Hills a·jani SP Vikash Varma-ni aganani gitade, ia raid ba am·sandianiko Mankachar joloniko August 29 tariko dakangaha aro ia am·sandianio Assam aro Meghalaya-ni sima ario donggipa Takuranbari-oni Iftakul Islam (43)-ko rim·na man·aha.
Indake, ia mandeni nokoniko sandirikkitaniko dakon, bang·a cha·ogimin bosturang jekai, battery, silliting, bostu ratani machine aro gipin bosturangko man·aha.
Ia bosturang baksa, cha·oanio jakkalna nanga ine chanchipenggipa pick up garikoba Police-rang rim·e thanaona ra·baaha.
Ia rim·a man·gipa mandeko Police-rang sing·sandianiko dakon, Garo Hills a·jani dingtang dingtang bakrangoniko aro Assam a·dokni Mankachar jolrangoniko cha·ogipa dolrangoni saksa ong·a ine u·iaha aro unbaksa jak donggipa Amirul Islam (23) aro Shahidul Islam (26) sakgniko Takunanbari-oniko Sombar salo rim·taiaha. Indake ia doloni gipin jak donggipa manderang kate chakkuenga aro uamangni cha·ogimin bosturangkoba man·kujaenga.
Na·simang iakoba nina man·gen:
Na·simang iakoba poraina man·gen: Nagaland University skanggipa changna a·doko ming 18 ku·agananina grammar seani project-ko a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
