Ampati, April 9: South West Garo Hills a·jao Special Rural Works Programme (SRWP) aro MGNREGA-ni ning·ao bakrime rikgimin Mangsanggre Dolongko Bristibar salo Rongsang Abagre Adhoc School-ni kal·chakramo oprake on·angaha.
Ia dolongko 53 Ampati Legislative Assembly Constituency-ni MLA Miani D. Shira, South West Garo Hills-ni Deputy Commissioner Anendya Raajshree, IAS, aro Assistant Commissioner & Block Development Officer, Betasing C&RD Block, Crystal R. N. Sangma-ni mikkango oprake on·angaha.
Uandake, ia dolongko rikanichi Mangsanggreo aro sepangjolo songdonggipa manderang nambata re·a-doani ramarangko jakkale, salantio nanggipa bosturangko ra·rurana aro janggi tangani cholrangko dake cha·na man·gen ine ka·dongsoenga.
Jinmana parakatengon, ia dolongko rikaniara dal·begipa kam ong·ani gimin bang·a korosrangko nangaha, aro una jakgitele tangkarangko tikatanide MLA-ni bilni nalsao ong·a ine Miani D. Shira aganangaha. Indake ong·genchimoba, Mangsanggre-o dolongko nangchongmotenga ine songni-nokni dilgiparangni mol·molani gimin ua dolongko rike on·na ja·ku de·aha aro kamrangko nirokataha. Una agreba, SRWP aro NGNREGA-ni bakrime dolongko matchote rikanichi sorkarini dingtang dingtang scheme-rang aro department-rangni nangrime kam ka·anirangni namgniko mesoka ine ua agandapangaha.
South West Garo Hills a·jani Deputy Commissioner Anendya Raajsshre, IAS-ba, manderangni nanganirangko knachakanina aro project-ko chu·sokatna Block Development Officer aro songni-nokni manderang baksa bakrimanina MLA-ni dilgipa ong·e kam ka·anirangko mitele aganangaha.
Songni-nokni manderangni aro sorkarini bakrime kam ka·aniara gamchata inenba, iandakgipa project-rangko ra·e sorkarini dakchakanichi kamrangko ka·angkunaba songni manderangna didianiko on·angaha.
Ia project-ko una donsogimin somoina bilsisa skang matchotaha – ian songni-nokni manderangni gisik nange bak ra·ani, namedake bakrimani aro kam ka·anirangko mesoka. A·jani dingtang dingtang biaprangoba iandake kam ka·ani bewalrangko ja·rikna didianiko man·gen ine Deputy Commissioner an·tangni ka·dongsoaniko parakatangaha.
Ia project-ara dingtang dingtang dolrangni bakrimanichi songo-noko rama-jal·angrangko aro janggi tangani cholrangko namdapatna ine sorkarini dondikgija kam ka·aniko mesoka.
Na·simang iakoba nina man·gen:
Na·simang iakoba poraina man·gen: Assam-ni CM, Kamakhya Devi mite noko a•dokni namroro silroroanina bi•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
