Guwahati, Apr 9: Assam Legislative Assembly election-ko Bristibar salo ong•atangaha aro ia election-o bang•a dilgiparangan, pu•onanio bak ra•angtokaha.
Pu•onani somoio, badiaba badiaba biaprango mikkarang jimbee waangahaoba, a•doko songdongenggipa bang•a manderangan, dilgipako seokanio gisik nangbee bak ra•angtokaha.
Assam-ni Chief Minister Himanta Biswa Sarma-ba, an•tangni nokdang baksa Kamakhya Devi mite noko bi•ani ja•man Jalukbari-o pu•onangaha.
Union Minister Sarbananda Sonowal, Raijor Dal-ni dilgipa Akhil Gogoi aro Congress candidate Mira Borthakur Goswami-ko man•chape Assam-o niksenggipa dilgiparangba, an•tangtangni constituency-o pu•onangtokaha.
Assam-ni dam 126 constituency-rangon pu•onaniko Bristibar pring 7:00 bajioni a•bachengataha aro pu•onaniko a•bachengataonin bang•bata polling station-rangon manderangni pu•onna gita riting dake senganiko nikna man•aha.
Pu•onani somoio maming so•sojengjeng ong•anirang dongjana gita pilak polling station-rangon chel•chakgipa sipai dolrangko donataha aro pu•onani somoio sak 3264-na baten election official-rang, kamrangko ka•angaha.
Dhemaji-o Assam-ni minister aro BJP-ni candidate Ranoj Pegu, Gogamukh polling station-o pu•oneaha aro Guwahati-o AJP-ni candidate Kunki Choudhury, Sarumotoria primary skul polling station-o pu•onangskaaha.
Dispur-o Congress candidate Mira Borthakur Goswami, Kahilipara-ni Narakasur LP skul polling station-o pu•onaha aro BJP-ni candidate Pradyut Bordoloi-ba Nagaon-o pu•onangskaaha.
Dibrugarh-o pu•onani ja•man Union Minister Sarbananda Sonowal, kobor ra•timgipa manderang baksa agangrikengon, Assam-o BJP-chi dilenggipa NDA, gimik dam 126 seat-rangoni dam 100-ko chetelgen ine an•tangni ka•dongchakenganiko parakangaha.
Na·simang iakoba nina man·gen:
Na·simang iakoba poraina man·gen: SWGH-ni Mangsanggre-o gital rikgimin dolongko oprake on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
