Ampati, Mar 7: South West Garo Hills a•jani Ampati-ni Multi-Faculty Centre-o “Accelerate Action- Moving Towards Gender Equality” ine katta bichongko donenba Sukrobar salo maniangaha.
Ia manianiko District Social Welfare Office, Health & Family Welfare Department aro Meghalaya State Rural Livelihood Society (MSRLS) nangrimenba me•chikrangni chagrongenggipa neng•nikanirangni bidingo mikrakataniko on•a aro chu•sokgimin me•chikrangko mande ra•aniko dakna miksonganio ong•atangaha.
Ia tom•anio Deputy Commissioner Hema Nayak mongsonggipa sokgipa ong•e bak ra•angaha aro Additional Superintendent of Police S. N. Marak dal•gipa sokgipa ong•e bak ra•angskaaha aro una agreba, me•chik officer-rang aro a•jani dingtang dingtang bakrangoni manderangba re•bae bak ra•angaha.
Deputy Commissioner Hema Nayak jinmana aganprakengon, lekka pora skie ra•anio me•chikrangni tang•doenganiko aro a•songko jatko dilanio me•chikrangni chagrongenggipa neng•nikanirangko uamangni warachakengani bidingo aganangaha. Unbaksana, Non-Communicable Disease (NDS)-ko Health Department -ni gita indin porikka ka•e niengmitingon an•tangtangko porikka ka•e nirikchina didiataha.
Ia tom•anio mongsongbate me•chikrangni kosako kragija ka•enggipa kamrang jekai doka sata man•a aro me•chik ong•anina mikchepe ra•anirangni bidingo aro me•chikrangko naljokatna nangengani bidingo mikrakataniko on•angaha.
Indake, Beti Bachao Beti Padhao scheme-ni Brand Ambassador jean ge•sku gold, ge•bri silver aro ge•bri bronze medal-rangko Inter-state aro Inter-District Taekwondo Championship-o chegipa Lastmania T. Sangma-ko mande ra•aniko dakangaha aro uasan ong•aigija PWD SHG member ong•an baksana Gopinathkilla aro Rongsangabagre Sub Centre-ni ANM-rang Trishna CH. Marak aro Silse N. Sangma-koba uamangni sanna bannaniko on•anio gisik nange dangdike on•ahanina mande ra•pilskaaniko dakangaha.
Iarangna agreba ia tom•anio, dingtang dingtang department-ni kan•dikgipa dakmesokanirangkoba dakangaha aro Tug-of-war kal•susaanikoba kal•angaha.
Na·simang ia video-koba nina man·gen:
Na·simang iakoba poraina man·gen: Ri-Bhoi-ni KVK, science-ko jakkale chibolrangko name rakkiani gimin na•tok jile cha•giparangna skie on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
