Ampati, Dec 5: South West Garo Hills a•jani Ampati-o donggipa Multi-Facility Centre-o, South West Garo Hills a•jani District Administration aro Tourism Department-ni nangrime ong•atgipa Singing Competition, Bristibar salo name matchotaha.
Ia git ring•susaanio, a•jani dingtang dingtang bakrangoni aro ning•tugipa songrangoni, git ring•na sapgipa chadamberang re•bae bak ra•angaha.
Indake, audition ong•atani somoio a•jani dingtang dingtang bakrangoni sak 21 finalist-rangko seokaha aro ia Grand Finale-o susaanio, Bilsando Ch Marak, skanggipa biapo cheaha, Crossmeda Arengh gnigipa biapko man•e che•aha aro Praidison D Marak, gittamgipa biapo chegipa ong•skaaha. Una agreba, Ampati A•chik Cultural Society, Best Costume-ko man•e chegipa ong•aha aro Haijest N Marak aro Mima Gorin G Sangma consolation prize-rangko man•angskaaha.
Ia git ring•susaanio, git ring•ronggipa Saldorik B Sangma, Johny D Sangma aro Ampati Planning Branch-ni Assistant Research Officer, Z. D. Sangma judge ong•e bak ra•angaha.
Indake chegipa dolrangna boksis-rangko, Deputy Commissioner Hema Nayak-ni jakchi on•angskaaha.
Ia tom•anio jinmana aganprakengon, iandakgipa cholrangko chadamberangna on•engon, an•tangni changa sapaniko mesokna ka•donga gnang chol ra•na nanga aro uamangni changa sapaniko jakkale music-o janggi tangani cholko bikotna nanga ine ua chadamberangko didiangaha.
Ia git ring•susaaniko ong•atanio git ring•na sapgipa chadamberangko didiasan ong•aijaha indiba, a•jao ja•rikenggipa jatni dakbewalrangko mesokenganiba ong•aha.
Indake ia competition-ko, chadamberangna uamangni changa sapaniko jakkale music industry-o bak ra•e janggi tangani cholko on•a miksonganio ong•ataha aro uasan ong•aigija, South West Garo Hills a•jani git ring•na sapgiparangna nambatgipa cholrangko mikkangchiba on•angna chanchisamsoanioba ong•ataha.
Na·simang ia video-koba nina man·gen:
Na·simang iakoba poraina man·gen: NPP mikkang nitee kam ka•a ine matnangako Ampareen jegala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
