Shillong, March 11: Re·baenggipa Garo Hills Autonomous District Council-ni (GHADC) election-na skang so·sojengjeng ong·anirang batroroengani gimin, South West Garo Hills-ni district administration, petrol aro diesel-ko botolrango aro gipin ra·chakanirango ra·na man·jawa ine parakataha.
April 10, 2026-na manchisogimin GHADC-ni election-na skang Garo Hills jolo kajia-golmalrang namrorojaengani gimin, South West Garo Hills a·jao so·sojengjeng ong·anirangko champengna ine ia hukumko District Magistrate Anendya Raajshree on·ataha.
Bharatiya Nagarik Suraksha Sanhita-ni (BNSS) Section 163-ni ning·ao on·gipa ia ge·etani, hukum on·taijana kingking ong·anggen.
Indake dakanichi, election-na skang petrol aro diesel-rangko ong·gija dake jakkale manderangni naljokanina kengniko ra·bagipa obostarangko champengna ine miksongenga.
Ia ge·etaniko manijagenchimode Bharatiya Nyaya Sanhita-ni (BNS) Section 223 aro niamni gipin janapgiminrango pangchake sastiko on·anggen ineba parakataha.
Indake ong·genchimoba, nangchongmotgipa kamrangna jekai mobile tower-rangna aro rama-jal·angrangko tarigipa dolrangna dieselrangko Deputy Commissioner-ni (Supply) on·ronga gitan on·anggen ine administration aganangaha.
Na·simang iakoba nina man·gen:
Na·simang iakoba poraina man·gen: Congress-ni dilgipa Pawan Khera, Narendra Modi-ni kosako matnanganirangko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
