29.2 C
Tura
spot_img

Tangka jakkalsretaniko jegalanian BJP dolni mongsonggipa bewal ine Hek a·kanga

Must read

Shillong, Jan 10: Tangka jakkalsretaniko jegalanian Bharatiya Janata Party (BJP) dolni mongsonggipa bewal ong·a ine BJP-ni dilgipa aro Meghalaya a·dokni Cabinet Minister AL Hek parakatenba, ia bewalko a·bachengonian BJP ja·rikbaenga ine talatangaha.

Meghalaya a·doko BJP dolko dilenggipa manderangni Delhi-ona re·angani bidingo janapatengon, “Tangka jakkalsretaniko jegalanian BJP dolni mongsonggipa bewal ong·ani gimin a·dokni dilgiparang, iani bidingo ma·mongni BJP dilgiparang baksa agangriktelgen,” ine Hek parakataha.

Meghalaya a·doko sorkariko chalaiani bewalrang namjaengani a·selan a·doko songdongenggipa manderang, neng·nikanirangko man·tokna nangenga inenba, ‘zero tolerance on corruption’ ba tangka jakkalsretaniko bon·atna miksonganio resolution-ko re·anggipa December jao a·dokni BJP dol pass ka·angahachim ine nikna man·a.
Ia resolution-ko pass ka·ani bidingo talataniko on·angskaengon, “BJP dolsan ong·aigija je dolba manderangni namgninade ku·rangko on·na bil donga indiba pilak dolrangan sorkarini kosako chakatna nangja,” ine BJP MLA parakataha.

Gipinrangko tangka jakkalsreta ine matnangna skang kakketko name sandichengna nanga ineba Hek aganaha.

A·doko BJP dolko dilenggipa manderangni a·dok sorkariko tangka jakkalsreta ine matnangengani gimin sing·on, “A·dokni BJP dolba a·dok sorkarini kamrango chu·ongnikenga indiba maiba matnanganirang donggenchimode chinga uko sorkarina u·iatchengna nanga. Tangka jakkalsretanikode darangan jegalna gita bilrang donga indiba darangba kakket aro sakkirang gride saksa sakgipinko matnangna nangja,” ine Hek parakataha.

spot_img

More articles

spot_img
-->

Latest article