Tura, July 15: Tura Chandmari Artificial Football Turf-o, Tura Football League-ni skanggipa division-ko ong·atani 2-gipa salo, skanggipa kal·susaanio apsangrik ong·ani aro 2-gipa kal·susaanio bilsubee cheaniko nikna man·aha.
Skanggipa kal·susaanio, Araimile SCC aro Rongbakgre-ni gisepo bilsubee kal·susaangaha aro dolgnian 2-2 goal-rangko man·e apsangrik point-rangko man·aha. Araimile FC-ni Jodimbath R Marak, minute 35-ni gisepon skanggipa goal-ko aro Zerobabell M Sangma, minute 76-o 2-gipa goal-ko chipaha. Apsandaken, Rongbakgre SCC doloniba Tengchuang M Sangma, 79-gipa minute-o doltangna skanggipa goal-ko aro Fifteen Ch Marak, 80-gipa minute-o 2-gipa goal-ko chipangskaaha. Kal·susaanio, Araimile SCC-ni Jonibirth R Marak minute 59-o aro Rongbakgre SCC-ni Tengchuang M Sangma 36 minute-o kal·susaani niamko pe·ahani gimin yellow card on·ako man·aha.
2-gipa kal·susaanio, Danakgre YC aro Sampalgre YC dolni gisepo susaanio 5-2 goal-rangchi Sampalgre YC-ko Danakgre YC amataha. Silgrak Takim Momin, minute 20-o Danakgre YC-na skanggipa goal-ko chipe on·chengaha. Indake, apsan doloni Tengnang Sangma, minute 25 aro 46-gipao changgnina goal-ko chipdape on·angaha. Uni ja·mano, Tokan Marak-ba mintue 49 aro 56-gipao joljol changgni goal-ko chipatenba doltangna 5 point-rangko ra·bana dakchakaha. Sampalgre YC doloniba, Lasthin T Sangma, minute 26-o aro Chetchrang D Shira, 30-gipa minute-o goal-prakko doltangna chipe on·aha. Kal·susamiting somoio kal·ani niamko ja·rikgijanina, Sampalgre YC-ni Luxbirth D Shira, 8-gipa minute-o yellow card on·ako man·aha.
Ia apsan kal·chakramon, July jani 16 tariko changgni kal·susaaniko ong·atanggen. Skanggipa kal·susaaniko attamni 2 bajio a·bachengatgen jeon Dalu United aro Doreng Sporting-ni gisepo kal·susaanggen. Indake 2-gipao, Kalkame FA ba Blue Max aro Northern United baksa kal·susaaniko attamni 3:30 bajio a·bachengatskagen.
Na·simang iakoba nina man·gen:
Na·simang iakoba poraina man·gen: Bangladesh-oni sak 26 aro sakbri India-ni denggu manderangko WGH-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
