Tura, Feb 10: Tura Hindu Samshan Bhoomi Committee (THSBC)-ni gital bregipa Mortuary Van ba manggisi salgipa gariko pakwatna gita Mongolbar salo, dingtangmancha program-ko Tura-ni Parade Ground-o ong•ataha.
Ia tom•anio, Meghalaya Legislative Assembly-ni Speaker Thomas A Sangma, mongsonggipa sokgipa ong•e, tom•anio bak ra•giparangna aganprakangengon, manggisirangko ka•sinate rakkina man•gipa mortuary van da•o Tura-oba dongaha ine an•tangni kusi ong•aniko parakangaha.
Tura-o indakgipa mortuary van ba manggisi sala gariko ra•bachengahani gimin THSBC-ko mittelpilangengon, kamrangko nambate ka•na man•na gita ua an•tangan ia garini driver-na jaatini dormahako on•gen ine Sangma, ku•rachakaniko on•angaha.
Iana skang, THSBC-ni president Prabin Panthi, tom•bagiparangna rimchaksoani kattarangko aganangengon, uamangni pilak nanga dakchakanirangko on•enganina Assembly Speaker-ko mittelpilangaha aro uamangni nangan somoirango pangnan uni dakchakanirangko bi•ronga ine aganaha.
Ia mortuary van-ko Tura-o songdongenggipa manderang, gong 500 ka•e aro Rongram jolo songdongenggipa manderang, gong 1000 ka•e para ra•na man•gen ine THSBC-ni dilgiparang parakataha.
Na·simang iakoba nina man·gen:
Na·simang iakoba poraina man·gen: Moran Polo Club, golf course-ko cha bagan tarina am·engani gimin sorkariko nirokatchina mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
