Shillong, Nov 21: Petrol aro diesel-rangko salgipa tanker gario, Phensedyl samrangko a•dokona salbagipa mande saksako Sombar salo police-rang rim•aha.
Police-rangni u•iatani gitade, re•anggipa November 17 tariko, NL-01AH 2246 tanker bolsa, NH-06 ramao donggipa Umtyra songni a•kuangchina ga•akonange a•sel ong•aha aro ia gario Maharashtra a•dokni Shakeep Sheik minggipa mandeko saknaani gnang truck-ni garini cabin-oniko man•ahachim.
Ia mandeko ja•mano sanna gita Khliehriat Civil Hospital-ona ra•angaha aro ia a•selni bidingo police-rang am•sandion, ia tanker-o diesel salbaengachim ine garini driver police-rangna aganaha.
Ia garini lekkarangkoba police-rang, truck garini cabin-oniko man•aha indiba tarini lekkarangko name nipiltaion, nokgipani biming aro biaprangde e-challa App-oni namen dingtanggrikachim ine police-rang nikna man•aha.
Ia a•selni bidingo talbate ma•sie ra•na gita police-rang, Bharat Petroleum Transport Office-chiba sing•sandiaton, ia gario uamangoniko diesel salbaa dongja aro maming see rakkianiba dongja ine u•iataniko man•soani ja•man police-rang, ia garini bidingo chanchichipna a•bachengaha aro uandaken Sombar salo police-rang, a•sel ong•aniko nikgipa manderangkoba okamate, ia garini tanker-ko gas cutter-rangchi rate sandion, ia tanker-o te 4,135 Phensedyl samrangko man•aha.
Iani bidingo police-rang, Shakeep Sheik minggipa mandeko rim•e NDPS Act-ni ning•o mokordomako segataha.
Iakoba poraie nina man·gen: Mizoram election-ni counting-na dongimin salko dingtangatchina NGOCC nangnika
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
