Guwahati, Aug 7: Odisha a·dokni Angul a·jao sakgittam u·ina man·gijagipa chadamberang me·chik saksako ramasamo donggipa burungo paikana re·mitingko til·ekdraaha ine koborko man·aha.
Uandake Budbar salo Bagadia police station-ni police-rang sakgittam manderangko rim·aha, jeonin sakgnide bilsi sokmankugijagiparang ong·a.
Til·ekdraako man·gipa me·chikni aganani gitade, ua Robibar salo maiba kam nangani gimin an·tangni depante nanggipa baksa Chhendipada jolo donggipa hospital-ona re·angahachim. Uandake ua hospital-oni nokona re·bapilmitingo me·asa sakgittam uamang sakgnina agre gipinrang dongja ine nike Baramancha songni sepango uamangko champengaha.
Mamungko u·israpgijan, sakgittam me·asarang ua me·chikko sorokoni adita chel·e mande donggijagipa biapona rimange uko til·ekdraaha ine ua aganaha.
An·tangtangko u·iatjana aro rim·a man·atjana gita, dosko dakani ja·mano ua sakgittam me·asarang biaponi katangaha. Til·ekdraako man·gipa me·chik nokona sokange an·tangni nokni manderangna aganeaha aro uamang Bagadia police station-ona re·ange dos dakgipa manderangko rim·china badi ka·aha.
Til·ekdraako man·gipa me·chikni aganani gitade, dos dakgipa manderangko nion uamangko hajira kam ka·e cha·giparang gita nikachim aro uamang uko til·ekdragipa biapni sambaon kamrangko ka·engachim.
Badi ka·anio pangchake, police-rang ia obostani bidingo sandina a·bachengaha. Uamang sniffer dog-rangko jakkale dos dakgipa manderangko sandina aro rim·na ine sakkirangko sandienga.
Una agreba, ia obostani bidingo til·ekdraako man·gipa me·chikni agananirangkoba segataha ine police-rang parakataha.
“Police-rang dolgittam dake dos dakgiparangko rim·na ine SP-ni ning·ao kam ka·aha,” ine police-rang aganaha.
Na·simang iakoba nina man·gen:
Na·simang iakoba poraina man·gen: Ulfa(I)-ni dal·batgipa dilgipa aro sakgittam cadrerang Nagaland-o an·tangtangko bame on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
