Agartala, May 28: Bristibar salni 12:00 bajimango, Tripura a·dokni skotong Agartala songjinmachipakna ro·ong salangenggipa truck gari bolsa, National Highway (NH-8) ramao donggipa Dolubari jolo, bikpilenba ramasamo donggipa dokkan damsako ga·akdape a·sel ong·aha.
Ia truck gari a·sel ong·anio, garini driver Rahim Uddin-de gari ning·on baditaba somoirangna, ong·katna man·gija dongna nangaha.
Gari a·sel ong·a bakan jolo donggipa chadamberang, a·sel ong·gipa biapona dariange, dakchakanirangko on·na a·bachengaha. Fire & Emergency Service-ni sipairangba bakan ua biapona sokbae, jolni chadamberang baksa dakchakanirangko on·eaha.
Ja·mano Dhalai District Magistrate-na koborko on·atenba, ua biapona excavator bolbongako watatahaa aro ia garirangni dakchakachi, truck gariko ra·dona man·aha.
Health department-o kam ka·enggipa manderangba ja·mano ua biapona re·bae, gari ning·o saknaa man·e dongenggipa driver-na sanna bananirangko on·eaha.
Ja·mano, dakchakaniko on·enggipa manderang, truck garini bak ge·sako ratpruenba, kontasa atamangni ja·man truck driver Rahim Uddin-ko ra·ongkatna man·aha.
Ia truck gari ga·akonani a·sel ua ramao adita somoirangna gipin garirangba re·na man·gija jachange dongna nangtokaha.
Na·simang iakoba nina man·gen:
Na·simang iakoba poraina man·gen: EWKH-o donggipa Remkhla Valley Wahrilang Viewpoint-ko Tourist-site ong•atna ka•dongsoenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
