Tura, September 2: Garo Hills-ni gesa niksenggipa skichakram, Tura Christian College, Mongolbar salo Tura-ni District Auditorium-o 2022-2025 batch-na Graduation Day-ko ong·atangaha.
Ia tom·bimonganio Arts aro Commerce stream-ni sak-85 chu·soke poraie matchotgipa chatro-chatrirang ia salna donsogimin ganding-chindingrang-ko gane an·tangtangni certificate-rangko ra·chakaha aro uamangni chu·sokanina college-ni skigiparang aro noktangtangni manderangko miteltokaha.
Meghalaya-ni Director General of Police (DGP), Idashisha Nongrang, ia manianiona mongsonggipa sokgipa ong·e jinmana aganprakengon, chakchikani gamchatani gimin talate on·a baksana, an·tangtangko on·kange aro miksongani gnang ramatangtangko baseangchina chu·sokanggipa chatro-chatrirangna didianiko on·aha. Uandake ua bimchipe kam ka·ani, gisik nangani, ka·dongani aro krengani gamchatani giminba agan-talate on·angaha.
Nongrang an·tangni janggi tanganiko nipilate, uni ma·sina skani gisikan una namen dakchakaniko on·aha ine, chu·sokanggipa chatro-chatrirangkoba janggi tanga gimik sing·anirangko dakchina aro skie ra·china didiangaha. Nelson Mandela-ni agananiko gisik ra·ate, a·gilsakko dingtangataniara poraia-skianian bilakbatgipa silchidare ine ua aganaha aro chatro-chatrirangko an·tangtangni changa-sapanirangko mesokchina aro mikkangchi dal·gipa chugipa gadangrangona sokchina didianikoba on·angaha.
Uandake, ia tom·aniona sokbae bak ra·gipa mongsonggipa manderangara college-ni Governing Body-oni gitcham PCCF aro President Dr. Tony Travert C. Marak (Retd. IFS); Principal Dr. Earlitha M. Sangma aro Dr. Sanggra A. Sangma ong·a. Gipin a·gipigipa sokgiparangara West Garo Hills-ni Superintendent of Police Abraham T. Sangma; Superintendent of Police, Traffic, Tura, Feroz Rehman, ICFAI ni Advisor aro Tura Campus Head Dr. Viola Sonatchi B. Sangma aro MBOSE ni Principal Director, Rikse R Marak ong·a.
Tura Christian College 2018 bilsio sak 35 chatro-chatrirangchisan a·bachenge, da·o Arts aro Commerce Stream-o sak-1000na baten chatro-chatrirang dongaha.
Na·simang iakoba nina man·gen:
Na·simang iakoba poraina man·gen: Joint Indo-Thai Military Exercise-ko Umroi-o ong•atenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
