Tura, March 8: Pilak bewalo janggi tanggipa me·chikrangkon mande ra·aniko mesokna gita Tura College of Community Science aro NABARD, Tura nangrime ia bilsini International Women’s Dayko maniaha.
Tura College of Community Scienceni Dean, Jyoti V. Vastrad tom·aniko dilaha.
Songsalo me·chikrangni gadang apsan ong·aniko aro pilak cholrangkon apsan man·pana bil-rengsi donganiko NABARD DDM Kit Miller Sangma mongsonggipa sokgipa ong·e aganprakanio janapaha.
Me·chikrangni pangkamgipa janggi tangani cholko dakna man·ania lekka-pora aro changa-sapaniko ra·dodapanichi ong·na man·gen ine mongsonggipa sokgipa aganaha.
Tura College of Community Science-ni Head & Extension Coordinator, Prof P Dan tom·anio dongpae, songsalo me·chikrangni mongsonggipa ong·ani aro daitorangko aganaha.
Ia me·chikrangni salko manianio dingtang dingtang susaanirangkoba ong·ataha. Slogan writing, poetry mingsusaani, embroidery, salad dressing, flower arrangement aro uandakgiparang ong·ate an·sengtokaha. Uarango nambatgiparangna boksisrangkoba sualaha.
Biltango changatango pangchake janggi tangani cholko dakgiparangoni Smt. Crenitha M Sangma aro Smt Pecindha K Sangmana uamangni kamrango namenga ine ra·chakaniko mesokna boksis on·aha. Kamtango name dangdike on·enganiko namenga ine ra·chakaniko mesokna West Garo Hillsni Dept. of Sericulture-ni Zonal Director Sanre G Momin aro College of Community Scienceni skigipa Dr Ranima Saikia aro Dr Natasha R Marakna on·aha.
Na·simang ia video-koba nina man·gen:
Na·simang iakoba poraie nina man·gen: SWGH International Women’s Day-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
