Tura, Sep 24: Central Agricultural University (Imphal)-ni ning•o donggipa Tura Community Science College-ni bilsi 22 gapaniko Budbar salo, Tura-ni District Auditorium-o maniangaha.
Ia salko manianio, MSRLS-ni dakchakanichi ong•atanggipa training program-rangkoba matchotataha.
Ia college-ni bilsi 22 gapaniko manianio, West Garo Hills a•jani Deputy Commissioner Vibhor Aggarwal, mongsonggipa sokgipa ong•e, college-ni chatrirangna, skigiparangna aro dilgiparangna aganprakengon, ia college-ko kulianichi, Tura songjinmani manderangnasan ong•aigija dingtang dingtang department-rang baksa bakrime, Garo Hills gimiknan namgniko on•na man•enga ine aganaha.
Kamrangko nambatatna gita dingtang dingtang department aro institute-rangni gisepo ku•mong nangrime kamko ka•na nanga ineba ua aganaha.
Dingtang dingtang department-rangni daitorangko janapatengon, skie ra•gimin manderang, an•tangtangni skie ra•gimin kamrangko nambatatna aro an•tangtangni janggi tanganio chu•sokgiparang ong•na gita nipilrongna nanga ine Aggarwal aganaha.
Iana skang, Community Science College-ni Dean Dr Jyoti V Vastrad, tom•anio bak ra•giparangna rimchaksoani kattarangko aganangengon, ia college-ni bilsio chu•sokanirangko aganangenba, batanggimin bilsirango ia college-ni dal•rorobaani bidingo talataniko on•angaha.
Ia tom•anio, Community Science College-ni ning•o donggipa Food Science & Nutrition Department-ni Head Dr Namita Singh aro Family Resource Management Department-ni Head Dr Ranima Saikia, MSRLS training-ni report-rangko on•angskaaha.
Ia college-ni bilsi 22 gapaniko manianio chatrirangni chrok mesaanirang, dakmesokanirang aro bon•kamao fashion show-koba nikangna man•aha.
Ia program-ko ong•atanio dongpae bak ra•anggipa gipin manderangara, Selsella Block-ni BDO Emanuel Megam Sangma, Tura MSRLS-ni District Mission Manager Michelle Ch Momin aro gipinrang ong•a.
Na·simang iakoba nina man·gen:
Na·simang iakoba poraina man·gen: Kimil rimitgipa gingting ro·gipa do·bakko India-o skanggipa changna nika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
