30.6 C
Tura
spot_img

Tura-ni MP Agatha Sangma-ko robol kal•na changbegipa ‘Messi’ baksa Conrad toa

Must read

Tura, Apr 15: Lok Sabha election-na campaign ka•ani somoirang matchotna siengahaon, Sombar salo, National People’s Party (NPP)-ni national president aro Meghalaya a•dokni Chief Minister Conrad K Sangma, Selsella Assembly Constituency-ona re•ange, Tura Lok Sabha constituency-ni NPP-ni candidate aro Tura-ni MP Agatha K Sangma-na campaign ka•angaha aro ia tom•anio Selsella-ni MLA Arbinstone Marak baksana NPP-ni dingtang dingtang dilgiparangba bak ra•angtokaha.

Advertisement

Ia tom•anio NPP-ni national president, tom•anio bak ra•giparangna aganprakangengon, NPP-ni candidate Agatha Sangma-ko robol kal•na changbegipa Lionel Messi baksa toe aganangenba, jekai Messi robol kal•na changgipa ong•a, apsan daken Agatha-ba uni kamrango namen sapgipa ong•a ine parakataha.

Advertisement

Tura-ni MP Agatha Sangma, ma•mongni minister-rang aro sorkariko chalaienggipa pilak manderang baksa melie kam ka•na changgipa ong•ani gimin a•dokona pilak nanganirangko dabie ra•bana man•gipa ong•a ineba Chief Minister aganaha.

Advertisement

Bilsi 15-na a•kawe jolrango songdongenggipa manderangko gitcham sorkarirang galchipaha ine janapatengon, 2018 bilsio NPP-ni dilanichi sorkariko jako ra•a intalan ia jolrangoba rama jal•langrangko aro pilak nanganirangko sokate on•aha aro da•ode ia jolrango rama jal•langrang namahani gimin manderang re•a doanirango maming neng•nikanirang dongjaengaha ine Sangma parakataha.

Na·simang ia video-koba nina man·gen:

Na·simang iakoba poraina man·gen: LS election ong•nasiengon, West Garo Hills a•jao “Dry Days”-ko ra•gata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article