Tura, Nov 21: Bilsianti Garo Hills-o ong•atrongenggipa car rally-ni 10-gipa ‘Bilgaro X 2025’-ko Sukrobar salo, Tura-o a•bachengataha aro ia car rally-ko Tura Motor Sports Club (TMSC)-ni advisor Adamkid M Sangma, Rongkon dolongoni a•bachengate on•angaha.
Ia chang Bilgaro car rally-o Jowai, Shillong, Assam, Nagaland, Garo Hills aro a•songni gipin bakrangoniba gari salsusaanio gisik nanggipa gimik sak 33 manderang bak ra•enga aro ia bak ra•giparangoni mongsonggiparangara, Jowai-oni Chiborlang Walnang aro Delhi-oni Sandeep Sharma ong•enga.
Ia chang Bilgaro car rally-o Tura-oni me•chik saksakamkam Noche Aranchiimiksa Sangma-ba bak ra•enga aro ian ia car rally-ko mikkim dongbatatenga. Ia me•tra, batanggimin bilsirango, gipin biaprango ong•atanggipa car rally-rangoba bak ra•aha aro ia chang Bilgaro-o ua skanggipa changna bak ra•enga.
Ia bilsini Bilgaro car rally-ko SUV, Rookie aro Car category ba gadango ong•atenga aro ia rally-ko Sukrobar salo, Hill Climb event-chi a•bachengataha.
Gnigipa aro bon•kamgipa sal, chong•motan Sonibar salo, Sprint Rally-ko Dodinanggre Asibra-o ong•atangskagen aro ianoba rally-o bak ra•enggipa sak 33 manderang, nambatgipa ong•na susaanggen.
Sonibar attamo, ia Bilgaro car rally-ko matchotatna gita dingtangmancha program-ko Tura-ni Green Haven-o ong•atanggen.
Na·simang iakoba nina man·gen:
Na·simang iakoba poraina man·gen: W’nagar-o be•en bitin palgipa nokko Marcuise nokdonggae on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
