Tura, Sep 27: Durga Puja sepangbaon, Tura songjinmao uko manina nichaksoe pandalrangko rikengaha aro tarienggipa manderang bijolirangko tekna aro nitoatanirangko dakna dondikgija kamrangko ka•soengaha.
Ia bilsio, Tura songjinmao dam 33 puja pandalrangko songgen. Garo Hills-o dam 142 puja pandalrang donga, ianoni West Garo Hills-o dam 92 pandalrang donga.
Ia bilsio, puja manianirangko tom•tome ong•atangna inenba Central Puja Committee (CPC), Tura niamrangko ra•gataha. Iarangara rongtal-an•talaniko rakkiani, DJ-rangko rimbaani bidingo manina nanganirang aro mite galonani somoio District Maternity & Child Hospital-ni sepango hala ka•jachina a•jani administration ge•etaniko ja•rikna didiani ong•a. Puja committee-rangko mite galonna re•jomanirangko dakani somoio chu•onga gita loudspeakerrangko aro ‘Dhaki-rangko’ jakkalnaba on•enga.
“Tura-ara namen tom•tomgipa songjinma ong•a aro chinga pilakonin dakchakanikon man•enga, uni gimin district administration aro police administration-ni dongimin niamrangko ja•rikchina anga pilakkon mol•molatenga,” ine Central Puja Committee (CPC), Tura-ni General Secretary, Arup Nag Hub News-na parakataha.
Unbaksana, CPC-de puja-ni salrango mamung programrangko ong•atja indiba dingtang dingtang Durga Puja Committee-rangko biaptangtango manianirangko onh•atna on•a ine ua talatangaha.
Uandake CPC September 28 tariko dingtang dingtang manianirangkoba ong•atnasienga jekao food festival, handicrafts exhibition, culturral program-rang aro Dandiya night. Unbaksana uamang kangal-cholgrirangnaba chola-ba•rarangko suale on•anirangkoba dakanggen.
Ia manianirangko October 8 tariko boksisrangko sualatanirangchi bon•kame dakanggen aro uno a•dokni skotong minister mongsonggipa sokgipa ong•e re•bagen. Puja matchotani ja•mano puja committee-rangnaba dingtang dingtang dolrang jekai rongtal-an•talani, nambatgipa pandal, ga•subate teng•atani, mite galonnanio namnatgipa aro nambatgipa Dhaki-o pangchake boksisrangko sualatanggen.
Na·simang iakoba nina man·gen:
Na·simang iakoba poraina man·gen: Assam-ni Skotong Minister Guwahati-ni gital ge·gni flyover-rangko oprake on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
